ჟოზე მოურინიოს განცხადებით, მას, განსხვავებით პეპ გვარდიოლასა და იურგენ კლოპისგან, "მანჩესტერ იუნაიტედში" საკმარისი დრო და საშუალება არ მიეცა თავისი ხედვის განსახორციელებლად.
პორტუგალიელმა "ოლდ ტრაფორდზე" ორწელიწადნახევარი გაატარა. "ლივერპულთან" 3-1 ანგარიშით დამარცხების შემდეგ კი კლუბმა გაათავისუფლა.
"მსურს, რომ წავიდე ისეთ კლუბში და შემიქმნან ისეთ პირობები, როგორც ეს პეპს და იურგენს ჰქონდათ. თუ შეხედავთ "ლივერპულის" პირველ გუნდს, ნახავთ, რომ კლოპის მოსვლის დროს ამ ბიჭებიდან მხოლოდ რამდენიმე იყო "ენფილდზე". რაც შეეხება პეპს, მას მცველები არ მოსწონდა და იმ ზაფხულშივე ოთხი მცველი შეიძინეს."
"როცა მათ შეიძინეს კლაუდიო ბრავო და მისით პეპი კმაყოფილი არ იყო, შემდეგ ზაფხულში კიდევ ახალი მეკარე შეიძინეს და "ეტიჰადზე" ედერსონი გადაბარგდა."
"იურგენმა "ენფილდზე" უკვე სამწელიწადნახევარი გაატარა, ჯერ აბსოლუტურად არაფერი არ მოუგია და მას მაინც ენდობიან, მის მიმართ მაინც აქვთ ნდობა და კლოპს აქვს პირობები, რომლებიც გაგრძელების საშუალებას აძლევს."
"როცა ახალ კლუბს ჩავიბარებ, პირველი, რასაც კონტრაქტზე მოლაპარაკებისას გავარკვევ იქნება ის, რომ კლუბმა შესაბამისი დრო და პირობები მომცეს ჩემი ხედვის დასანერგად."