საფეხბურთო აგენტმა ჯიოვანი ბრანჩინმა განაცხადა, რომ ნიკოლო ბარელა მას "მანჩესტერ იუნაიტედის" ლეგენდას პოლ სქოულზს ახსენებს.

ბრანჩინს "იუნაიტედთან" ადრეც ჰქონია შეხება. სწორედ მას მიუძღვის დიდი წვლილი 2003 წელს კრიშტიანო რონალდუს "ოლდ ტრაფორდზე" გადმობარგებაში.

ამჟამად იტალიელი უფროსი აგენტია, რომელიც კაფუს, კოშტასა და ნაკატას წარმოადგენდა. სწორედ მისი დამსახურებაა ასევე ფაბიო კაპელოსთვის ინგლისის ჩაბარება და პეპ გვარდიოლას "ბაიერნში" გადაბარგება.

ამჟამად კი ბრანჩინი ბარელას აქებს და ყველანაირად მოუწოდებს "იუნაიტედს", რომ ახალგაზრდა ვარსკვლავი შეიძინონ.

"ის დაუჯერებელი შესაძლებლობების მქონე ფეხბურთელია მისი თავი სქოულზს მახსენებს და ვფიქრობ, რომ "მანჩესტერ იუნაიტედში" ძალიან, ძალიან კარგი იქნება."

ბარელამ იტალიაში მშვენიერი სეზონი ჩაატარა და "კაგლიარის" გუნდს სატურნირო ცხრილის შუა პოზიციაზე მოხვედრაში დაეხმარა.

22 წლის ფეხბურთელს ხშირად წარმოუდგენია თავისი გუნდი კაპიტნის რანგშია. ის ცენტრალური ნახევარმცველის პოზიციაზე თამაშობს და მის ერთ-ერთ მთავარ იარაღს გრძელი პასები წარმოადგენს, რის გამოც ბრანჩინი მას სქოულზს ადარებს. მისი თამაშის ხარისხიდან გამომდინარე, 22 წლის ფეხბურთელმა უკვე დაიკავა მუდმივი ადგილი იტალიის ნაკრების შემადგენლობაში.


წყარო: M.E.N.