"ბარსელონას" მთავარ სამიზნეს ზაფხულის სატრანსფერო ფანჯარაზე ხუან მატა წარმოადგენს. მატას კონტრაქტი ივნისში ეწურება და დიდი ალბათობით კონტრაქტის ამოწურვის შემდეგ "ოლდ ტრაფორდს" დატოვებს.

ესპანელს სამშობლოში დაბრუნება სურს, თუმცა არ მოელოდა, რომ "ბარსელონა" მისით დაინტერესდებოდა.

თუმცა თუ ესპანელი "კამპ ნოუზე" გადაბარგდება ნაკლებ ხელფასზე დათანხმება მოუწევს. ხუან მატა ამჟამად კვირაში 170 000 ფუნტს იღებს, "The Sun"-ის ცნობით კი "ბარსელონა" ამდენის გადახდას არ აპირებს.

ნახევარმცველი ჯერ მხოლოდ 31 წლისაა და თავისი ფორმით ორ სეზონს მაინც ჩაატარებს. ზაფხულში მას "იუნაიტედის" დატოვება უფასოდ შეუძლია, ესპანელებს კი ძალიან სურთ ერთი ძლიერი ნახევარმცველის დამატება.


წყარო: Mirror.co.uk