ცხელი ზაფხულის ტრანსფერების პერიოდი უფრო და უფრო ახლოვდება. ოლე გუნარმა არაერთხელ განაცხადა, რომ ამ ზაფხულში "იუნაიტედი" ბევრ ფულს დახარჯავს და შემადგენლობის გაძლიერებას ექვსი ან შვიდი მაღალი დონის ფეხბურთელით ეცდება.
"იუნაიტედის" ინტერესთა სფეროში ამჯერად "ლიონის" ნდომბელე მოექცა. ფრანგები ნახევარმცველში 60 მილიონ ფუნტს ითხოვენ.
თუმცა "იუნაიტედი" ფრანგისთვის მარტო არ იბრძოლებს. მას ნახევარმცველის შესყიდვაში "რეალ მადრიდი", პსჟ, "იუვენტუსი" და "მანჩესტერ სიტი" შეეცილებიან. როგორც პრესაში იწერება, ნდომბელეს შესაძენად ყველაზე აქტიურად "რეალ მადრიდი" მოქმედებს. ესპანელებმა უკვე გაამზადეს 100 მილიონი ევრო.
შეძლებს თუ არა "იუნაიტედი" მის გადმობირებას ჯერ-ჯერობით უცნობია, თუმცა ოლეს განცხადებით, "წითლებისთვის" ნახევარდაცვის გაძლიერება ამ სატრანსფერო ფანჯარაზე ერთ-ერთ მთავარ პრიორიტეტს წარმოადგენს.