"მანჩესტერ იუნაიტედის" ყოფილი ფეხბურთელები უკმაყოფილებას გამოთქვამენ პოგბას თამაშის ხარისხის გამო, თუმცა ყოფილი ფორვარდის ბერბატოვის აზრით, "წითელმა ეშმაკებმა" ფრანგი უნდა შეინარჩუნონ.
"ერთ-ერთი ფეხბურთელი, რომელზეც ხალხი ყოველთვის საუბრობს პოლ პოგბაა. სატრანსფერო ჭორებიც მუდამ მის ირგვლივ ტრიალებს."
"ვიმედოვნებ, რომ დარჩება, რადგან მე პირადად ძალიან მომწონს ის, როგორც ფეხბურთელი და როგორც პიროვნება."
"ვიცი, რომ მას გაცილებით უფრო მეტი შეუძლია და ვიცი, რომ მას ამის ჩვენება ყოველ მატჩში უნდა. ხანდახან ეს უბრალოდ არ გამოგდის. ეს ყველა ფეხბურთელს მოსდის, ყოველ შემთხვევაში, მე ნამდვილად დამემართა."
"ხანდახან ხალხი მას მეტისმეტად აკრიტიკებს, რაც ფსიქოლოგიურად ძალიან რთული გადასატანია. საბოლოოდ, ამით რა შედეგსაც მივაღწევთ არის ის, რომ ფეხბურთელს გუნდის დატოვების სურვილი გაუჩნდება და როცა შენით ისეთი გუნდი ინტერესდება, როგორიც "რეალ მადრიდია" და თანაც მას ფრანგი წრთვნის, მაშინ ჩემთვის გასაგებია, რატომ სვამს პოგბა კითხვებს და რატომ შეიძლება რომ გაუჩნდეს წასვლის სურვილი."
"თუმცა მაინც მგონია, რომ "იუნაიტედისთვის" ახლა ყველაზე რთული პოგბას გაშვება იქნება. მე ვიცნობ ოლეს და გასულ კვირას ვესაუბრე კიდეც. ოლე პოგბას ჯერ კიდევ რეზერვების გაწრთვნის დროიდან იცნობს და ვიცი, რომ ყველაფერს ეცდება მის შესანარჩუნებლად და პოგბასგან მაქსიმუმის მისაღებად."