დღევანდელი დღიდან ზუსტად 100 დღეში სატრანსფერო ფანჯარა იხურება. პოლ სქოულზი "მანჩესტერ იუნაიტედის" სისუსტეებზე საუბრობს და ხელმძღვანელობას შესაძენ ფეხბურთელებთან დაკავშირებით რჩევებს აძლევს:
"ახლა გუნდი დამაბნეველ სიტუაციაშია დამაბნეველი ფეხბურთელებით. ვფიქრობ, რომ ისეთ დიდებულ კლუბებში როგორიც "მანჩესტერ იუნაიტედია", იმისთვის, რომ ძალიან კარგი იყო საოცარი ცენტრ-ფორვარდები და შემტევი ფეხბურთელები გჭირდება. არ ვფიქრობ, რომ ახლანდელი შეტევის ხაზი საკმარისად კარგია ამ გუნდისთვის."
"ვსაუბრობთ ენტონი მარსიალის, მარკუს რეშფორდის პოტენციალზე, მაგრამ ამ პოტენციალზე საუბარსაც აქვს დასასრული. ყოველკვირეულად უნდა ივარჯიშო და პროდუქტიული გახდე."
"ლუკაკუ? არ ვიცი არის თუ არა ის ტოპ კლასის ცენტრალური ფორვარდი, რომელიც ლიგაში 30 გოლის გატანას შეძლებს."
"როცა მე ვთამაშობდი ოთხი ცენტრ-ფორვარდი გვყავდა, რომლებიც კარგები კი არა ბრწყინვალენი იყვნენ. ახლა გადახედეთ ცენტრ-ფორვარდების სიას, ვინ გრჩებათ ხელში? ლუკაკუ, მარსილი, რეშფორდი და სანჩესი. არიან ცენტრ-ფორვარდები? არიან ფართოდ მოთამაშე ფეხბურთელები?"
"რაც შეეხება დაცვის ხაზს, თუ ვიქტორ ლინდელოფი თავის შესაძლებლობებს გამოავლენს და თუ საკმარისად აგრესიული იქნება მათ გვერდით, მაშინ კარგად გვექნება საქმე."
"მარჯვენა მცველია საჭირო. ეშლი იანგმა ყველაფერი იდეალურად გააკეთა. ბოლო კვირებია არც ისე კარგია, მაგრამ ძირითადად კარგად თამაშობს."