"მანჩესტერ იუნაიტედის" მწრთვნელმა ოლე გუნარ სოლსკიაერმა გულშემატკივარს ერიკ ბაიისა და მარკუს რეშფორდის ტრავმების შესახებ ინფორმაცია მიაწოდა.
თებერვალში პსჟ-ს დამარცხების შემდეგ ერიკ ბაიიმ გუშინ პირველი მატჩი ჩაატარა, რომელიც მორიგი ტრავმით დასრულდა. ცენტრალურ მცველს მოედნის დატოვება 68-ე წუთზე მუხლის ტრავმის გამო მოუწია.
"ხვალ ერიკის მუხლს გადაიღებენ, მაგრამ არ ვფიქრობ, რომ ეს ყველაზე ცუდი ტრავმაა ტრავმებს შორის. ის სეზონის ბოლომდე გამოგვეთიშება. არამგონია, რომ შემდეგ სეზონამდე იხილოთ."
"თუმცა ის მებრძოლია, დღეს ძალიან კარგად ითამაშა, მშვიდი იყო, ყველაფერს ძალიან კარგად აკეთებდა და არ გაგვიმართლა, რომ მისი გაყვანა მოგვიწია."
სოლსკიაერმა ასევე დაადასტურა, რომ რეშფორდს მოედნის დატოვება ტრავმის გამო მოუწია. აკადემიელმა "ოლდ ტრაფორდზე" 65 წუთი გაატარა, შემდგომ კი ის ალექსის სანჩესმა ჩაანაცვლა.
"რეშის მხრის ტრავმა აწუხებდა. ერთი საათი გაუძლო, თუმცა შემდგომ მატჩის გაგრძელება ვეღარ შეძლო და სწორედ ამიტომაც გამოვიყვანე."
შეძლებს თუ არა რეშფორდი "ჰადერსფილდთან" მატჩის ჩატარებას ჯერ კიდევ გაურკვეველია.