დავიდ დე ხეა "ჩელსისთან" გაშვებული გოლის გამო კრიტიკის ქარ-ცეცხლში გაეხვა. ხუან მატამ კი თანაგუნდელი დაიცვა და აღნიშნა, რომ დავიდის ნომერ პირველობა მისთვის კითხვის ნიშნის ქვეშ ვერასდროს ვერ დადგება.
"დავიდი ჩემთვის ნომერ პირველია. მისი შედეგები ამ კლუბისთვის უბრალოდ ფანტასტიკური იყო. ბოლო წლების განმავლობაში ის საუკეთესო გახლდათ. მან კლუბისთვის ძალიან ბევრი ქულა გადაარჩინა, იმდენად ბევრი, რომ ეს შედეგები დაუჯერებელი იყო."
"ჩვენ ყველას გვაქვს კარგი და ცუდი მომენტები ჩვენ კარიერაში, მაგრამ ჩემთვის ყველაზე მნიშვნელოვანი ჩვენი მიდგომაა ამ საკითXების მიმართ. ის საკმაოდ მოტივირებულია და ყველანაირად ცდილობს, რომ პოზიტიურად მიუდგეს საკითხებს. გააკეთოს თავისი მაქსიმუმი და უბრალოდ იყოს საუკეთესო."
"მე მას სრულიად ვენდობი და არა მარტო მე, ჩვენ - ყველა. დღეს ის ბედნიერი არ არის, არც ჩვენ ვართ, მაგრამ ხვალ დილას იქნება. დარწმუნებული ვარ, რომ ყველაზე კარგი განწყობით დაბრუნდება ვარჯიშებზე."
"მე მართლა მჯერა, რომ ის მსოფლიოში ერთ-ერთი საუკეთესოა. მეც ვუშვებ შეცდომებს, ყველა უშვებს შეცდომებს, მაგრამ მგონია, რომ მეკარისთვის შეცდომა ყველაზე რთული საკითხია."
"მას ძალიან ძლიეერი ფსიქოლოგია აქვს და დარწმუნებული ვარ, რომ შემდეგი სეზონისთვის ყველაფერს ძალიან კარგად გააკეთებს. მე თავიდან ბოლომდე ვენდობი მას, ისევე როგორც გუნდის მწრთვნელი და თითოეული ჩვენგანი, ვისაც "იუნაიტედი" უყვარს."