"მანჩესტერ იუნაიტედის" მწრთვნელმა ოლე გუნარ სოლსკიაერმა პოლ პოგბასთვის შექება არ დაიშურა. მისი განცხადებით, ფრანგი ძალიან მოტივირებულია და გუნდში წარმატებული ადგილის დამკვიდრება სურს.
"ფეხბურთში გარანტირებულად ვერაფერს იტყვი. მაგრა დიახ, პოგბა შემდეგ სეზონში აქ რჩება და ეს დანამდვილებით შემიძლია, რომ გითხრათ. იმასაც დარწმუნებით ვაცხადებ, რომ ძალიან მოტივირებულია და "მანჩესტერ იუნაიტედში" წარმატების მიღწევა სურს."
"მან მაღალი სტანდარტები დაგვიყენა. შანსებს ქმნის, გოლებს იტანს და ძალიან ბევრს მუშაობს. უბრალოდ პრესა არასდროსაა კმაყოფილი. ყველა პოლს შესცქერის, ყველა პოლისგან მოელის რაღაცას. ყველა უკეთესს ელის."
"იგი ჩვენთვის ფანტასტიკურ სამუშაოს სწევს. ის შესანიშნავი პიროვნებაცაა შესანიშნავ ფეხბურთელთან ერთად. ის ადამიანია და ყველაფერი ყოველთვის იდეალურად ვერ იქნება, თუმცა ბევრს მუშაობს."
"პოლი გასახდელშიც და მოედანზეც უბრალოდ ნამდვილი ლიდერია."