"მანჩესტერ იუნაიტედის" მწრთვნელი ოლე გუნარ სოლსკიაერი დავიდ დე ხეას გვერდში დაუდგა და გაამხნევა.
ესპანელმა დერბის პირველ ტაიმში რამდენიმე საოცარი სეივი გააკეთა, თუმცა მეორე ტაიმში გუნდის გადარჩენა ვეღარ შეძლო.
ჩვენი დაუჯერებელი მეკარე ძალიან გაბრაზებული დარჩა სანეს წინააღმდე გაშვებული გოლის გამო. დე ხეას თამაშის ხარისხი კი ჟურნალისტებისთვის ერთ-ერთი ყველაზე საინტერესოდ განსახილველი თემა იყო. "ვფიქრობ, დავიდმა დღეს საღამოს რამდენიმე საოცარი სეივი გააკეთა. მან საკუთარ თავს მაღალი სტანდარტები დაუწესა. ის ძალიან ბევრს მუშაობს გასაუმჯობესებლად."
"როცა გუნდს ესეთი მომენტი უდგას, ერთად უნდა დავდგეთ, ერთმანეთი გავამხნევოთ და დავრწმუნდეთ, რომ არ ვიჩქარებთ და ამ სიჩქარეში სისულელეებს არ გავაკეთებთ. უბრალოდ ძალიან ბევრი უნდა ვიმუშავოთ, რადგან კვირას ბრძოლაუნარიანები უნდა დავბრუნდეთ," - განაცხადა ოლე გუნარმა.
დავიდ დე ხეას შეცდომა ჯო ჰარტის განხილვის საკითხიც გახდა. "მანჩესტერ სიტის" ყოფილმა მეკარემ ესპანელის სეივებზე ისაუბრა:
"მას ეს სეივი უნდა გაეკეთებინა, რადგან ეს მისი ჩვეული სტილია. დავიდი უმაღლესი კლასის მეკარეა. ამ მომენტში უბრალოდ სწორი მომენტი ვერ შეარჩია. მისი სტილი ზოგადად დაბლა ყოფნა და ბურთის ისე მოგერიებაა, რაც ამ მომენტში ვერ შეძლო. ათიდან ცხრა შემთხვევაში, ის ასეთ სეივებს თავისუფლად აკეთებს."
"ის უმაღლესი კლასის მეკარეა. მე არასდროს მინახავს მისი მსგავსი მეკარეები. მომწონს მისი ყურება, ის მამაცია, მარტივად ვერ დაამარცხებ, ვერ დასცემ. შეიძლება შეცდომა მოუვიდეს, მაგრამ ეს მას არ ცვლის, ის თავის სიმაღლეზე რჩება."
"ისიც ჩვეულებრივი ადამიანია, რომელსაც ანაღვლებს ეს სპორტი და რომლისთვისაც ძალიან ბევრს ნიშნავს "მანჩესტერ იუნაიტედში" თამაში. დარწმუნებული ვარ, რომ მას უბრალოდ სურს იმ დონეზე ასვლა, სადაც ყოველთვის და ყველა სიტუაციაში შეძლებს გუნდის გადარჩენას."