"მანჩესტერ იუნაიტედის" ნახევარმცველი პოლ პოგბა პრემიერ ლიგის 2018/19 წლების სეზონის სიმბოლურ გუნდში მოხვდა.

ფრანგი ერთდარეთი ფეხბურთელია, რომელიც "ლივერპულსა" და "მანჩესტერ სიტის" არ წარმოადგენს. დანარჩენი ათი ფეხბურთელი ზემოთ ხსენებული გუნდებითაა დაკომპლექტებული.

პოგბამ ლიგაში 13 გოლი გაიტანა. პრემიერ ლიგის მიმდინარე სეზონში არცერთ ნახევარმცველს არ აქვს ამდენი გოლი გატანილი მეტოქის კარში.

ნახევარმცველის ანგარიშზე უხვი გოლების გარდა, ცხრა საგოლე პასიცაა. სეზონის განმავლობაში კი მხოლოდ სამი მატჩი აქვს გამოტოვებული.

26 წლის ფრანგისთვის პირველი შემთხვევაა, როცა პრემიერ ლიგის სიმბოლურ გუნდშ მოხვდა. "მანჩესტერ იუნაიტედიდან" ის ერთადერთია, რომელმაც გუნდში ადგილი დაიკავა. დანარჩენი პოზიციები კი "მანჩესტერ სიტის" ექვსმა და "ლივერპულის" ოთხმა ფეხბურთელმა დაიკავა.