ოლე გუნარ სოლსკიაერს სჯერა, რომ მის გუნდს ჯერ კიდევ შეუძლია ჩემპიონთა ლიგის საკვალიფიკაციო ეტაპზე მოხვედრა.
კიდევ ერთი მარცხი "წითლებს" ძვირად დაუჯდათ. "იუნაიტედი" მეექვსე ადგილზეა და პრემიერ ლიგაში მხოლოდ სამი მატჩი დარჩათ სათამაშო. თუმცა "არსენალი" "ვულვზთან" დამარცხდა, "ჩელსიმ" კი "ბარნლისთან" ფრე ითამაშა, შესაბამისად, ოთხეულის თეორიული შანსი ჯერ კიდევ არსებობს.
"ჩვენ ხარისხი უნდა გავაუმჯობესოთ. თუ კვირას კარგად ვითამაშებთ და მატჩის მოგებას შევძლებთ ეს წინ გადადგმული ნაბიჯი იქნება და შემდეგ კიდევ ორი მატჩი დაგვრჩება."
"რა თქმა უნდა, ოთხეულში მოხვედრა გვსურს. ჯერ არ დამიგეგმავს ხუთშაბათობით თამაში. ჩვენ უბრალოდ აუცილებლად უნდა დავუტოვოთ ჩვენს თავს შანსი და ეს კვირას გამარჯვებით უნდა შევძლოთ."
"სეზონის დასრულებამდე სამი მატჩი რჩება. ოთხეულს მხოლოდ სამი ქულით ჩამოვრჩებით, რამდენიმე თვის წინ კი ჩვენ მოხვედრას ოთხეულში ვერავინ წარმოიდგენდა."
"რაც შეეხებათ ფეხბურთელებს, ჩემი პირდაპირი მოვალეობაა იმის გადაწყვეტა, ვინ გაწირავს თავს იმდენად, რომ ჩვენთან ითამაშოს და "ოლდ ტრაფორდზე" დარჩეს."
"კვირას ძალიან მნიშვნელოვანი მატჩი გველის, რომლისთვისაც აუცილებლად კარგად უნდა მოვემზადოთ. გულშემატკივრები უნდა მოემზადნონ, ფეხბურთელები უნდა მოემზადნონ, ყველაფერი კარგად უნდა დაიგეგმოს."
"უნდა მოვიპოვოთ გამარჯვება, რომელიც ყველას სურს და რომელსაც ჩვენი გულშემატკივრები და ფეხბურთელები იმსახურებენ."