ოლე გუნარ სოლსკიაერმა გუშინდელ მარცხში თავისი ფეხბურთელები არ დაადანაშაულა. შეგახსენებთ, რომ "წითლები" საკუთარ სტადიონზე ორი ბურთის სხვაობით დამარცხდნენ.

ფეხბურთელებმა იმუშავეს.

"ჩვენ კარგი რეაქცია გამოვავლინეთ, კარგად ვითამაშეთ, მაგრამ საბოლოო ჯამში უკეთესმა გუნდმა დაგვამარცხა. ჩვენ კარგი რეაქცია მივიღეთ როგორც ფეხბურთელებისგან, ისე გულშემატკივრებისგან. ბიჭებმა იბრძოლეს, ენერგია არ დაიშურეს, შეიძლება კარისკენ ბევრჯერ ვერ დაარტყეს და მიზანსაც ხშირად ვერ მიაღწიეს, მაგრამ მათ იშრომეს და ყველაფერი გააკეთეს. უბრალოდ საკმარისად კარგები ვერ აღმოჩნდნენ."

ყველა დარბოდა.

"ვერ იტყვით, რომ რომელიმე ფეხბურთელი საკმარისად არ მოძრაობდა. ყველა დარბოდა. არ ვიცი სტატისტიკა რას გვიჩვენებს, მაგრამ ყველა კარგად ხედავდა, რომ ფეხბურთელები ყველაფერს აკეთებდნენ გასამარჯვებლად. რეშს საოცარი პირველი ტაიმი ჰქონდა. ის საოცრად თამაშობდა მეტოქესაც აშინებდა. რაღაცის შექმნას ცდილობდა, არასდროს ჩერდებოდა და ეს ძალიან სასიამოვნო სანახავი იყო. ის რამდენიმეჯერ შეაჩერეს, თუმცა დღეს მიზანთან ძალიან ახლოს იყო და ჩვენთვის ძალიან მნიშვნელოვანია, რომ ამ განწყობით იყო. ჩვენ უბრალოდ ამაზე მუშაობა უნდა განვაგრძოთ."

ჩვენი ქამბექი ბრძოლით უნდა შედგეს.

"ვფიქრობ, დე ხეამ დღეს საოცარი სეივები გააკეთა. დავიდს საკუთარი თავისთვის უმაღლესი სტანდარტები აქვს დაყენებული. ძალიან ბევრს მუშაობს, რათა გაუმჯობესდეს, ასე რომ როდესაც ასეთი რთული მომენტი გვაქვს, უბრალოდ ერთად უნდა ვიყოთ. უბრალოდ არ უნდა ავჩქარდეთ, სისულელეები არ ჩავიდინოთ, რადგან კვირას ბრძოლით უნდა დავბრუნდეთ."

გოლების ნაკლებობა.

"მე სტატისტიკაზე არაფერს ვამბობ, მაგრამ განვიცდი იმ ფაქტს, რომ გოლები არ გაგვაქვს, ან რამეს ძალისხმევას ვაკლებთ. დღეს შანსები შევქმენით, მაგრამ ვერ გამოვიყენეთ. ამის გასაუმჯობესებლად უნდა ვიმუშავოთ. ძალისხმევის ნაკლებობაზე ახლა აღარ ვსაუბრობ, ახლა უკვე ხარისხზეა საუბარი. საბოლოოდ, რისი თქმაც შემიძლია არის ის, რომ დღეს უბრალოდ საკმარისად კარგები არ ვიყავით."

ეს გამოწვევაა.

"სახლში ხარ და ეს პრივილეგიაა. მართალია, რომ უძლიერესი გუნდის წინააღმდეგ თამაშობ, მაგრამ სახლში ხარ და ასეთი მატჩების მოგება ძალიან გინდა. მაგრამ მათ უკვე თავისი სტანდარტი დააყენეს, ისინი ბოლო რამდენიმე სეზონის განმავლობაში საუკეთესოები არიან პრემიერ ლიგაში და ჩვენთვის ეს დიდი გამოწვევა იყო. ჩვენ ახლა ნამდვილად არ ვართ იქ, სადაც უნდა ვიყოთ და ვფიქრობ, რომ ამას ყველა კარგად ხედავს. მაგრამ მე აქ ზუსტად არმისთვსი ვარ, იმისთვის, რომ გავუმჯობესდეთ და ჩვენი დიდება დავიბრუნოთ."


წყარო: ManUtd.com