ხუან მატამ და დავიდ დე ხეამ მიმდინარე მოვლენებზე საუბარი სცადეს. ესპანელები თავადაც იმედგაცრუებულნი არიან და ყველანაირად ცდილობენ, რომ ამ ტკივილს თავი დააღწიონ და "მანჩესტერ სიტის" მომზადებულები შეხვდნენ.
როგორც მწრთვნელმა, ასევე ფეხბურთელებმაც განაცხადეს, რომ თამაში საკმარისად კარგი არ იყო და ეს დონე "იუნაიტედს" არ შეეფერება.
მის ყოველკვირეულ ბლოგში ხუან მატამ "მაისურის პატივისცემაზე" ისაუბრა:
"დღეს მართლა არანაირი მოტივაცია არ მაქვს რამის დასაწერად, ან სათქმელად. ჩემ ირგვლივ მხოლოდ საშინელი იმედგაცრუების გრძნობა ტრიალებს და მთლიანად სევდას ვყავარ შეპყრობილი. ეს ემოციები სამშაბათიდან მოყოლებული თან მსდევს."
"მადლობა თქვენი დაუჯერებელი და უპირობო გულშემატკივრობისთვის. მადლობის გამოსახატად სიტყვები საკმარისი არ არის, მხოლოდ ერთს ვეცდებით - ყველაფერი გავიღოთ ამ მაისურისთვის, ამ კლუბისთვის და თითოეული თქვენგანისთვის."
ნახევარმცველმა ვერც "ბარსელონას" და ვერც "ევერტონის" წინააღმდეგ ვერ ითამაშა. დავიდ დე ხეამ კი ორივე მატჩი სასტარტო შემადგენლობაში დაიწყო "გუდისონ პარკზე" კაპიტნის სამკლაურიც მოირგო. ყველასთვის აშკარაა, რომ ესპანელი ძალიან განიცდის ამ შედეგს:
"ჩემთვის ახლა ძალიან რთულია ჩემი გრძნობების სიტყვებით გადმოცემა. როგორც კაპიტანმა უნდა ვაღიარო, რომ საშინელი მატჩი ჩავატარეთ დღეს. ეს არ იყო ის, რასაც ჩვენგან გულშემატკივარი ელის. ეს არ იყო ის, რასაც ეს კლუბი იმსახურებს. ეს არ არის ის, რასაც ჩვენ საკუთარი თავისგან ველით, როცა "მანჩესტერ იუნაიტედის" მაისურს ვიცვამთ."
"ჩვენ ვიცით, რომ უნდა გავუმჯობესდეთ, მაგრამ სიტყვები ძალიან ცოტას ნიშნავს: ამ კლუბისთვის ყველაფერი უნდა გავიღოთ."