"მანჩესტერ იუნაიტედის" ქალთა გუნდი 2018/19 წლის ჩემპიონშიპის ჩემპიონი გახდა. ქეისი სტოუნის შეგირდებმა "კრისტალ პალასი" 7-0 ანგარიშით დაამარცხეს.

მოწინააღმდეგის კარის დალაშქვრა ლორენ ჯეიმსმა ოთხჯერ, ხოლო ლიზი არნოტმა, ლი გალტონმა და ჯეს საივორთმა თითოჯერ შეძლეს. ქალბატონებმა დღევანდელი მატჩის შედეგად სამი ქულა მოიპოვეს და ჩემპიონობაც გაინაღდეს.


"იუნაიტედის" ქალთა გუნდი ახლა შვიდი ქულით უსწრებს მეორე ადგილზე მყოფ "ტოტენჰემს". ჩემპიონატში კი მხოლოდ ორი მატჩი დარჩა სათამაშო.

შეგახსენებთ, რომ ოთხშაბათ საღამოს ქალბატონებმა "ასტონ ვილას" დამარცხება 5-0 ანგარიშით შეძლეს, რასაც დღევანდელი გამარჯვება მოჰყვა და "წითლებმა" პირველი ადგილი ორი ტურით ადრე გაინაღდეს.

"წითლებმა" თვრამეტი მატჩიდან თექვსმეტი მატჩის მოგება შეძლეს. საერთო ჯამში 49 ქულა მოიპოვეს და მეტოქის კარში 88 გოლი გაიტანეს.


ქეისი სტოუნის ქალბატონებს თასი ლიგის ბოლო თამაშის შემდეგ, 11 მაისს გადაეცემათ. მანამდე კი ბოლო გასვლით ტურს "წითლები" "მილვოლის" წინააღმდეგ გამართავენ.

წყარო: ManUtd.com