"ბარსელონასთან" 3-0 დამარცხების შემდეგ "იუნაიტედი" პრემიერ ლიგაში ბრუნდება, სადაც "წითლები" ბოლო ორი მატჩია მარცხდებიან.
"მეთოფეებთან" დამარცხებამდე, ნორვეგიელს 17 მატჩიდან 14 მოგება ჰქონდა, მაგრამ "იუნაიტედის" ახალი მწრთვნელი ამით არ კმაყოფილდება და მისი თქმით, სტანდარტები უნდა გაიზარდოს.
"ამ თვეების განმავლობაში ძალიან ბევრი რამ ვისწავლე და ფეხბურთელებსაც ძალიან კარგად გავეცანი. უმეტესობამ მართლა მომხიბლა მათი განწყობითა და შემართებით."
"რა თქმა უნდა, არიან ფეხბურთელები, რომელთა შემოწმება მოგვიწევს, რათა გავიგოთ თუ რა დონეზე დგანან, მაგრამ უმეტესობამ იცის, რომ მათი გაუმჯობესება მხოლოდ და მხოლოდ ბევრ მუშაობაზეა დამოკიდებული."
სოლსკიაერს ჟურნალისეტბმა ენტონი მარსიალის შესახებ დაუსვეს კითხვები. ფრანგმა ნორვეგიელის მოსვლის შემდეგ მხოლოდ ოთხი გოლის გატანა მოახერხა, თუმცა ოლე გუნარის განცხადებით, კლუბს ფორვარდის ბოლომდე სჯერა.
"მე ინდივიდუალურად ყველას ვესაუბრე, მათ შორის ენტონისაც. ყველას ვესაუბრე და ავუხსენი, თუ რას ველოდებით მათგან მე, დანარჩენი მწრთვნელები და ხელმძღვანელობა."
"ენტონი ძალიან ნიჭიერია, მან ახალ კონტრაქტს მოაწერა ხელი და ძალიან კარგად იცის, რომ მისი გვჯერა. უბრალოდ მუშაობა უნდა განაგრძოს. ყველამ, ვინც "მანჩესტერ იუნაიტედში" თამაშობს, უნდა ეცადოს, რომ მოწოდების სიმაღლეზე იყოს და ყველაფერი იდეალურად გააკეთოს."
"ენტონი არაფრით განსვხვადება რეშისგან, რომისგან, ალექსისისგან... ყველაზე მომხიბვლელი სწორედ ეს არის ახლა მათთვის - მხოლოდ მათზეა დამოკიდებული."
სოლსკიაერმა "ბარსელონასთან" გამართული მატჩის შემდეგ ახსენა, რომ კლუბის პროგრესი დიდ დროს წაიღებს. ეს უყურადღებოდ არ დარჩათ ჟურნალისტებს და პრესკონფერენციაზე ამ თემაზე დამატებითი ინფორმაციის მოწოდება ითხოვეს:
"მე კლუბის ხელმძღვანელობას ვესაუბრე და ვუთხარი კიდეც, რომ რეალისტებად უნდა დავრჩეთ. ძალიან დიდი სამუშაოა გასაკეთებელი და ეს ყველაფერი ყველამ კარგად იცის. არ ხდება ისე, თითქოს ჩვენ შვიდ მსოფლიო დონის ფეხბურთელს შევიძენთ და მალევე ფორმაში ჩავდგებით. ჩვენ ახლა ვართ იქ, სადაც ვართ და ამ ყველაფერს ნაბიჯ-ნაბიჯ უნდა მივყვეთ."
"რა თქმა უნდა, ზაფხულში ვიღაცებს შევიძენთ. ვიცი, რომ ამ თემის ირგვლივ ბევრი კრიტიკოსი ალაპარაკდა, მაგრამ არ ვფიქრობ, რომ მათ იციან თუ რას ვაკეთებთ ჩვენ გასაუმჯობესებლად. "
"ჩვენ სკაუტები მთელი მსოფლიოს მასშტაბით გავუშვით, რათა კარგი ფეხბურთელები შევიძინოთ. ჩვენ შევიძენთ ფეხბურთელებს, რომლებიც ხასიათით, პიროვნულად, ხარისხით, უნარებით, ფასით ჩვენთვის მისაღები იქნება. ერთ-ერთი მთავარი კრიტერიუმი მათი მომავლის შეფასებაც გახლავთ, აუცილებლად მივაქცევთ ყურადღებას იმას შეძლებს თუ არა ფეხბურთელი კლუბში დიდი ხნით დარჩენას."
"მე დარწმუნებული ვარ, რომ ყველაფერს გავაკეთებთ, რათა საუკეთესო ფეხბურთელები შევიძინოთ."