"ბარსელონას" მეკარეს იმდენად ცოტა საქმე ჰქონდა გასაკეთებელი მეორე ტაიმში, რომ ძირს დაიხარა და სოლსკიაერის გეგმის ფურცელი აიღო.
ნორვეგიელმა რეშფორდს მატჩის განმავლობაში პატარა ფურცელი მიაწოდა, რომელზეც ახალი ფორმაცია იყო განთავსებული. რეშფორდს კი ეს ინფორმაცია თანაგუნდელებისთვის უნდა მიეწოდებინა.
რეშფორდი მოწინააღმდეგის საჯარიმოში პიკეს შეეჯახა და სწორედ ამ დროს დაუვარდა მწრთვნელის მიერ გადაცემული ბარათი.
ტერ შტეგენი კი, რომელიც უსაქმოდ იყო ფურცელი აიღო და წაიკითხა. მხოლოდ "იუნაიტედის" შეტევის შემდეგ დააგდო გერმანელმა ფურცელი და "წითლების" მოსაგერიებლად მოემზადა.
აღნიშნული ფაქტი კამერებმა დააფიქსირეს და გულშემატკივრებში დიდი მხიარულება გამოიწვია. ერთის თქმით "ტერ შტეგენი იმდენად უსაქმოდ იყო, რომ გასართობად კითხვა დაიწყო".