მარკუს რეშფორდთან ახალ კონტრაქტზე მოლაპარაკებები ჩიხში შევიდა. ოლე გუნარ სოლსკიაერს ინგლისელის შენარჩუნება სურს, თუმცა თავად რეშფორდი ხელფასის გაზრდას ითხოვს.

რეშფორდის მომავალს პრესა "ბარსელონასაც" უკავშირებდა. თუმცა "იუნაიტედი" მკაცრად აცხადედა, რომ ახალგაზრდა ფორვარდი არ იყიდება.

რეშფორდს "ოლდ ტრაფორდთან" ერთწლიანი კონტრაქტი ეწურება, რომელსაც ვადა შემდეგი სეზონის ბოლოს გასდის. თუმცა მის წარმომადგენლებს ახლავე სურთ პრობლემების მოგვარება და ფეხბურთელის მომავალის გადაწყვეტა.

წარმომადგენლების განცადებით, რეშფორდი კვირაში 200 000 ფუნტის ოდენობით ანაზღაურებას ითხოვს.

ინგლისელი ოლე გუნარის მოსვლის შემდეგ გუნდის ცენტრალურ ფიგურად იქცა, თუმცა ხელფასის ამ რაოდენობით გაზრდის მოთხოვნა ხელმძღვანელობას ამწუხრებს.

როგორც "Daily Mail" წერს, მიუხედავად მაღალი ხელფასის მოთხოვნისა რეშფორდი კვლავ "ბარსელონას" სამიზნედ რჩება და ესპანელები მზად არიან ნებისმიერი თანხის სანაცვლოდ შეიძინონ ახალგაზრდა ფორვარდი.