ჩემპიონთა ლიგის თასის მოპოვებიდან ოცი წლის შემდეგნ ოლე გუნარ სოლსკიაერი "ნოუ კამპზე" ბრუნდება. ნორვეგიელის განცხადებით, "წითლები" იღბალს არ უნდა ენდონ.

სოლსკიაერმა 1999 წელს, "იუნაიტედის" 20 ნომერი მაისურით დაუჯერებელი გოლი გაუტანა მეტოქეს და "წითლებმა" ქამბექის წყალობით ლიგის თასი მოიგეს. თუმცა მწრთვნელის რანგში სოლსკიაერი მიიჩნევს, რომ ამ შეხვედრას დიდი ყურადღება არ უნდა მიექცეს, რადგან ეს განსხვავებული გუნდია, განსხვავებული მეტოქითა და განსხვავებული სიტუაციით.

"მე ზოგადად მჯერა, რომ ყოვეთვის იმას იღებ, რასაც იმსახურებ. თუ თქვენ ამ ყველაფერში თქვენს სიცოცხლეს, ყველაფერს ჩადებთ რაც თქვენ გეკუთვნით, მაშინ აუცილებლად მიიღებ იმას, რაც დაიმსახურე და რამდენიც გაიღე. ყველაფერი უბრალოდ უნდა დაიმსახურო."

სოლსკიაერის განცხადებით, "იუნაიტედისთვის" დასრულებული ჯერ კიდევ არაფერია და არ ადარდებს რომელ წუთზე მოიპოვებს გამარჯვებას. ნორვეგიელის თქმით, მისი ბიჭები გამოწვევისთვის მზად არიან.

"თამაშის ბოლომდე დაკარგული არაფერი არაა. არ აქვს მნიშვნელობა პირველი წუთია, თუ 93-ე. ფეხბურთში ყველაფერი შეიძლება მოხდეს. ზუსტად ვიცი, რომ ჩემი ბიჭები ბოლო წუთამდე, ბოლო წამამდე იბრძოლებენ, მანამ სანამ მართლა რეალურად არ დასრულდება ყველაფერი."

"რა თქმა უნდა, პარიზული მოგონებები ფეხბურთელებს დაეხმარება, როგორც გუნდმა ძალიან კარგად ვიცით, რომ ყველაფრის შემობრუნება შეიძლება."

"ბარსელონა" "ნოუ კამპზე" სრულიად სხვაგვარი გამოწვევაა. ამ ღამის მოგონება ფეხბურთელებს მთელი ცხოვრება გაჰყვება. ყველაფერი ჯერ კიდევ წინაა."


წყარო: SkySports