ზაფხულის სატრანსფერო ფანჯარა, ოლე გუნარ სოლსკიარის "მანჩესტერ იუნაიტედისთვის" მარტივი ნამდვილად არ იქნება. გუნდის რამოდენიმე ლიდერი, ევროპის წამყვანი კლუბების რადარებზე იმყოფებიან.
კლუბის მეკარის გადაბირებით, ფრანგული პსჟ ინტერესდება. ხოლო გუნდის ფრანგი ნახევარმცველის პოლ პოგბას გადაბირებით, დიდი ხანია მადრიდული გრანდი, ფლორენტინო პერესის "რეალი" სხვადასხვა ხერხებით ცდილობს. "იუნაიტედის" პასუხი ცალსახაა - პოგბა არ იყიდება.
სწორედ ამის მანიშნებელია ის ფაქტი, რომელზეც დღეს სპორტული გამოცემა Diario AS-ი წერს. აღნიშნული წყაროს ცნობით, სამწვრთნელო შტაბს გადაწყვეტილი აქვს, რომ 2018 წლის მსოფლიო ჩემპიონატის ტრიუმფატორი ფეხბურთელი, მომავალი სეზონიდან გუნდს კაპიტნის სამკლაურით წარუძღვეს მოედანზე.
კლუბიდან ანტონიო ვალენსიას წასვლის შემდეგ ახალი კაპიტანი სწორედ პოლ პოგბა გახდება. ეს ერთგვარი პასუხია იმ კლუბებისთვის, რომლებსაც ფეხბურთელის გადაბირება ზაფხულის სატრანსფერო ფანჯრის გახსნისთანავე სურთ.
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.