ჯერ კიდევ მაშინ, როდესაც ჟოზე მოურინიომ მთავარი მწვრთნელის პოსტი დატოვა, "მანჩესტერ იუნაიტედის" ოთხეულში მოხვედრის შანსი ძალზედ არარეალური იყო. "ლივერპულთან" "ენფლიდზე" განცდილი მარცხის შემდეგ (3-1), პორტუგალიელი სპეციალისტის ადგილი, დროებით, ნორვეგიელმა ოლე გუნარ სოლსკიაერმა დაიკავა.
"ეშმაკების" ყოფილმა ლეგენდარულმა ფეხბურთელმა, უკვე მთავარი მწვრთნელის რანგში, საოცრებების ჩადენა დაიწყო. ნორვეგიელმა თავკაცმა, ზედიზედ 12 შეხვედრაში, 10 გამარჯვება და 2 ფრე მოიპოვა. მან პრემიერ ლიგაში მხოლოდ 2 შეხვედრა წააგო ("არსენალისა" და "ვულვზის" წინააღმდეგ) და გულშემატკივრებს პირობა მისცა, რომ "მანჩესტერ იუნაიტედი" ოთხეულში მოხვედრას აუცილებლად მოახერხებდა.
ამჟამინდელი მდგომარეობით, ოთხეულში მოხვედრის შანსი, რთული, თუმცა ძალზედ რეალურია. თუკი საფეხბურთო პროგნოზისტები "იუნაიტედს" ჩემპიონთა ლიგის მიღმა ტოვებდნენ, ოლე გუნარ სოლსკიაერმა ყველა დაარწმუნა, რომ შეუძლებელი არაფერია.
მან ლონდონის "არსენალთან" დამარცხების შემდეგ (2-0), საკუთარი გეგმა დაისახა, თუ როგორ მოახერხებდა ოთხეულში მოხვედრას. სპეციალისტმა განაცხადა, რომ გუნდს დარჩენილ 8 შეხვედრაში 18 ქულა სჭირდება და აუცილებლად მოახერხებს ჩემპიონთა ლიგის საგზურის მოპოვებას. არავინ იცის თუ როგორი გათვლა გააკეთა ნორვეგიელმა, თუმცა ფაქტია, გულშემატკივრებს მისი ძალიან ჯერათ და სრულიად ენდობიან.
"მეთოფეების" შემდეგ იყო, "უოტფორდთან" გამარჯვება და "ვულვზთან" მარცხი. "მანჩესტერ იუნაიტედს" პრემიერ ლიგაში დარჩენილი აქვს 6 შეხვედრა და შესაბამისად, სოლსკიაერის გეგმის მიხედვით, 15 ქულა სჭირდება. 15 ქულის მოპოვების მხოლოდ ერთადერთი გზა არსებობს - 5 შეხვედრაში გამარჯვება. "ეშმაკებს" მხოლოდ ერთი მარცხის უფლება აქვთ, მათი დარჩენილი მატჩები კი შემდეგნაირად გამოიყურება:
13 აპრილი - "იუნაიტედი" : "ვესტ ჰემი" 21 აპრილი - "ევერტონი" : "იუნაიტედი" 24 აპრილი - "იუნაიტედი" : "სიტი" 28 აპრილი - "იუნაიტედი" : "ჩელსი" 5 მაისი - "ჰადერსფილდი" : "იუნაიტედი" 12 მაისი - "იუნაიტედი" : "კარდიფი"
როგორი გათვლა გააკეთა ნორვეგიელმა არავინ იცის, თუმცა ფაქტია, რომ მან გულშემატკივრებს ძალიან დიდი იმედი მისცა. მისი განცხადებით, დარჩენილ მატჩებში თუკი 15 ქულას მოიპოვებს, აუცილებლად მოახერხებს ჩემპიონთა ლიგაზე ასპარეზობის უფლებას.
აქვე იმასაც გეტყვით, რომ ოთხეულისთვის ბრძოლაში "იუნაიტედის" კონკურენტები არიან: ლონდონის "ჩელსი" (66 ქულა, 5 დარჩენილი მატჩი), "ტოტენჰემი" (64 ქულა, 6 დარჩენილი მატჩი) და ლონდონის "არსენალი" (63 ქულა, 6 დარჩენილი) მატჩი.
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.