ოლე გუნარ სოლსკიაერს მცველების შეცვლა მოუწევს შაბათის მატჩისთვის, რადგან ეშლი იანგი და ლუკ შოუ დისკვალიფიკაციის გამო თამაშს ვერ მოახერხებენ.

ეშლი იანგი ერთ მატჩს გამოტოვებს, ხოლო ლუკ შოუ შემდეგ სამ მატჩს, რადგან მიმდინარე სეზონში 10 ყვითელი ბარათი მიიღო. აქედან გამომდინარე, მცველი ვერც "ბარსელონასთან" ითამაშებს.

ოთხეული ჯერ კიდევ სავსებით შესაძლებელია.

მიუხედავად იმისა, რომ პრემიერ ლიგის ბოლო მატჩებში "იუნაიტედმა" სასურველი შედეგი ვერ მიიღო, ლუკ შოუ დარწმუნებულია, რომ ოთხეულში აუცილებლად მოვხვდებით. ლუკ შოუს ადგილის დაკავება, სავარაუდოდ, მარკოს როხოს მოუწევს, რომელიც ფიქრობს, რომ ეს არ გაუჭირდება:

"ხვალ ძალიან მნიშვნელოვანი თამაში გვაქვს და ყველანაირად ვეცდებით, რომ სამი ქულა მოვიპოვოთ. ბოლო შედეგი პრემიერ ლიგაში იმედგამაცრუებელი იყო. სხვა გუნდებმაც დაკარგეს ქულები, საბედნიეროდ. ასე რომ ყველაფერი წინაა."

"ჩვენ ჯერ კიდევ ძალიან პოზიტიურად ვართ განწყობილი და დარწმუნებულები ვართ, რომ ოთხეულში დავასრულებთ. რა თქმა უნდა, "ოლდ ტრაფორდზე" დაბრუნება ჩვენს გულშემატკივრებთან ერთად სულ სხვა შეგრძნებაა. გუნდი ამისთვის მზად იქნება და დარწმუნებული ვარ, რომ სამ ქულას მოვიპოვეთ."

მთელი კონცენტრაცია "ვესტ ჰემისკენაა" მიმართული.

"მთელი კონცენტრაცია ახლა "ვესტ ჰემისკენაა მიმართული. შემდგომ ვიფიქრებთ ჩემპიონთა ლიგაზე, მაგრამ ახლა, ამ მომენტისთვის მხოლოდ პრემიერ ლიგაზე ვართ კონცენტრირებულნი," - განაცხადა დალომ.

ვინ იქნება დაცვის ხაზიდან?


ერიკ ბაიი, ანტონიო ვალენსია და მათეო დარმიანი ჯერ კიდევ არ არიან მზად. მარკოს როხო ახლახანს დაბრუნდა.

"ამ პოზიციას კარგად ვიცნობ. ნაკრებში ბევრჯერ მითამაშია ამ ადგილზე. ფაქტობრივად, არგენტინაში ყოველთვის ამ პოზიციაზე ვთამაშობ."

"იუნაიტედშიც" მომიწია რამდენიმეჯერ აქ თამაში, ასე რომ ამ როლის მორგება მშვენივრად შემიძლია. მზად ვარ, რომ გავაკეთო ყველაფერი, რაც მწრთვნელსა და გუნდს ჩემგან დასჭირდება," - განაცხადა როხომ.


წყარო: ManUtd.com