"მანჩესტერ იუნაიტედის" მწრთვნელმა ოლე გუნარ სოლსკიაერმა განაცხადა, რომ დაზიანებული ნახევარმცველი ანდერ ერერა შესაძლოა, პრემიერ ლიგაში "სიტისა" და "ჩელსის" წინააღმდეგ დაბრუნდეს.

სოლსკიაერი 29 წლის მცველის ფორმით კმაყოფილია. მისი განცხადებით, ესპანელი ძალებს არ იშურებს გამოსაჯანმრთელებლად და იმედოვნებს, რომ 24 აპრილისთვის მზად იქნება.

"ის ძალიან ბევრს მუშაობდა გამოსაჯანმრთელებლად. ტრავმა "ლივერპულის" წინააღმდეგ მიიღო. შემდგომ გამოჯანმრთელდა და ვარჯიშზე ისევ დაზიანდა. ის ძალიან ბევრს ვარჯიშობდა."

"საუბედუროდ, ეს ყველაფერი მაშინ მოხდა, როცა ერერას მომავალზე ბევრი ჭორია, თუმცა ეს ბუნებრივია. ამიტომ ბევრს ვერაფერს გეტყვით იმის შესახებ, თუ რამდენად შორს წავედით კონტრაქტზე მოლაპარაკებისას. მხოლოდ ის წყვეტს ყველაფერს."

"არ ვიცი, როგორ წარიმართა მოლაპარაკებები, მაგრამ ახლა მთავარი არის ის, რომ ანდერი მთლიანად მის ფორმაზეა კონცენტრირებული. მას თამაში უყვარს, ასე რომ ამ მომენტში ბედნიერი არ არის. წუხს, რომ თანაგუნდელებს ვერ ეხმარება. ის ყოველთვის თავის მაქსიმუმს დებს. არ აქვს მნიშვნელობა მისი კონტრაქტის ამოწურვამდე ხუთი წელია დარჩენილი თუ ხუთი კვირა."

"შეიძლება მომავალი აღელვებს და სწორედ ეს არის ერთ-ერთი განმსაზღვრელი მიზეზი მისი ტრავმის. ვინ იცის? მან არ იცის, რადგან ტრავმებზე სხვადასხვა სახის ტრავმა მიიღო. იმედი მაქვს, რომ "ჩელსისა" და "სიტისთვის" მზად იქნება. არ ვარ დარწმუნებული, რადგან კიდევ ერთი კუნთის ტრავმა აქვს."


წყარო: ManUtd.com