ოლე გუნარი და ხერარდ პიკე ერთმანეთს ძალიან კარგად იცნოვბენ. ესპანელი ჯერ კიდევ 17 წლის იყო, როცა "ოლდ ტრაფორდზე" მივიდა. მისი განცხადებით, ოლე გუნარი მას ადაპტაციაში ძალიან დაეხმარა. ოლე კი ესპანელს მხიარულ ბიჭუნად იხსენებს. "მე პიკესთან ერთად ნათამაშები მაქვს. მაშინ რეზერვებში ვთამაშობდი. მეც გავიტანე და ხერარდმაც, საბოლოოდ 2-0 მოვიგეთ. იმ თამაშში კიერან მაკკეინიც თამაშობდა. ასე რომ ვერ გეტყვით, რომ ამ მატჩით ჩემი ახალგაზრდობა ან პიკეს სიბერე განისაზღვრება, ეს თავად გადაწყვიტეთ. ფანტასტიკური ბიჭი იყო.
ის "იუნაიტედში" ჯერ კიდევ პატარა ბიჭი მოვიდა. ჩვენ ძალიან დიდი მოლოდინები გვქონდა მასთან. ის და როსი ერთად მოვიდნენ. შეიძლება ითქვას, რომ ის უიღბლო იყო, რადგან სწორედ მაშინ მოვიდა "იუნაიტედში", როცა საუკეთესო ცენტრალური მცველები გვყავდა - ნემანია და რიო. შეიძლება ითქვას, რომ მას დამსახურებული შანსები არ მიუღია.
ის ძალიან მოწესრიგებული იყო, ეს სპორტი ესმოდა, თამაშს კარგად კითხულობდა და ამასთანავე ჰაერში ორთაბრძოლებშიც ძალიან კარგი იყო. გასახდელშიც ძალიან კარგ განწყობას ქმნიდა. ის ყოველთვის იღიმოდა და ხუმრობდა - შესანიშნავი ბიჭი გახლდათ! მიხარია, რომ ის ამდენად განვითარდა და ამდენს მიაღწია. მან უკვე ძალიან ბევრი ტიტული მოიგო. სასიამოვნო იქნება მისი კიდევ ერთხელ ხილვა. ბოლო შეხვედრიდან წლები გავიდა. იმედია, ჩვენ ხვალ მას ვაგრძნობინებთ ბებრად თავს და არა მე ახალგაზრდად,"-აცხადებს ოლე გუნარი. "მე ოლე საოცარ თანაგუნდელად მახსოვს. როცა აქ მოვედი მხოლოდ 17 წლის ვიყავი, ძალიან პატარა, ძალიან ახალგაზრდა. ოლე კი ერთ-ერთი ყველაზე დიდი ფეხბურთელი იყო. ის ძალიან დამეხმარა, რათა ადაპტაცია გამეარა გუნდში, ქალაქში, ქვეყანაში... მახსოვს, რომ ის უკვე კარიერას ასრულებდა და ტრავმებიც აწუხებდა, თუმცა ვარჯიშისას ყველა შეატყობდა, რომ საოცარი უნარი ჰქონდა გოლების გატანისა და გამარჯვებისთვის.
ჩემთვის უდიდედი გამოცდილება იყო მასთან ერთად თამაში. ის ძალიან დამეხმარა და ბედნიერი ვარ, რმ დღეს "იუნაიტედი" სწორედ მას აბარია. ის ყველაფერს საოცრად აკეთებს. მისი მოსვლის შემდეგ "იუნაიტედმა" უამრავი მატჩი მოიგო, ბევრად უკეთესად თამაშობს. ხვალ რთული მატჩი გველის,"-განაცხადა ხერარდ პიკემ.
ახალი ამბები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.