"ბარსელონამ" ოფიციალურად გამოაცხადა 22-კაციანი შემადგენლობა, რომელიც ინგლისში ჩაფრინდა ოთხშაბათს "მანჩესტერ იუნაიტედთან" ჩემპიონთა ლიგის დაპირისპირებისთვის.

ესპანური გრანდის მთავარი მწვრთნელი, ერნესტო ვალვერდე თბილისის დროით 20:00 საათზე გამართავს პრესკონფერენციას და მედიას სხვადასხვა საკითხთან დაკავშირებით გაესაუბრება.

"ბარსას" "იუნაიტედთან" მატჩში "არსენალის" ყოფილი ფეხბურთელი ტომა ვერმაელენი დააკლდება, რომელსაც მარცხენა ფეხი აწუხებს.

უსმან დემბელე კი შემადგენლობაშია და როგორც მოსალოდნელია, ის მატჩში მონაწილეობას მიიღებს.



"ბარსელონა" "იუნაიტედისგან" განსხვავებით ჩემპიონატში მოგებული მატჩით ხვდება მომდევნო დაპირისპირებას. კატალონიელებმა ჩემპიონობისათვის ბრძოლის პროცესში უშუალო კონკურენტი "ატლეტიკო მადრიდი" დაამარცხეს ლუის სუარესისა და ლიონელ მესის გოლებით.