"მანჩესტერ იუნაიტედის" და ჰოლანდიის ეროვნული ნაკრების ლეგენდა ედვინ ვან დერ სარი, ჟურნალისტებისთვის მიცემულ ინტერვიუში აცხადებს, რომ შესაძლოა, ის ინგლისში დაბრუნდეს. "წითელი ეშმაკების" ყოფილ მეკარეს, "ოლდ ტრაფორდზე" მუშაობის სურვილი აქვს.
ჰოლანდიელი ამჟამად, მშობლიური "აიაქსის" გენერალური დირექტორის პოსტს იკავებს. მისი სატრანსფერო პოლიტიკა საფეხბურთო ექსპერტებისა და სხვა მიმომხილველების ყურადღების ცენტრში დიდი ხანია მოექცა, ედვინი დაკისრებულ მოვალეობას შესანიშნავად ართმევს თავს.
"იუნაიტედს" ვან დერ სარის დაბრუნება 2018 წელს სურდა, კლუბი მას სპორტული დირექტორის თანამდებობას სთავაზობდა თუმცა, მან "აიაქსში" დარჩენა გადაწყვიტა.
"აიაქსში" მოღვაწეობით ბედნიერი ვარ, თუმცა "მანჩესტერ იუნაიტედი" განსაკუთრებული ადგილია. შესაძლოა, რომ ერთხელაც "იუნაიტედში" დავბრუნდე". - განაცხადა ედვინმა The Times-ისთვის მიცემულ ინტერვიუში.
დიდი ალბათობით, მომავალი სეზონიდან ინგლისურ გრანდში, სპორტული დირექტორის თანამდებობა ამოქმედდება, სწორედ აღნიშნულ პოსტზე განიხილება ლეგენდარული "წითელი ეშმაკის" კანდიდატურა.
შეგახსენებთ, რომ ვან დერ სარი "მანკუნიანელების" ღირსებას 2005-წლიდან 2011-წლამდე იცავდა.
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.