"მანჩესტერ იუნაიტედის" მწრთვნელმა ოლე გუნარ სოლსკიაერმა თავისი ფეხბურთელებისგან ისეთივე მებრძოლი სული მოითხოვა, როგორიც 1999 წლის ფინალში გამოავლინეს ფეხბურთელებმა.
"ჩვენ ერთმანეთს ყოველდღიურად ახალ-ახალ გამოწვევებს ვთავაზობდით. ბევრიც გვიჩხუბია და ბევრ რამეზე ვერ შევთანხმებულვართ."
"ჩვენ ვერასდროს მივიღებდით თანაგუნდელს, რომელიც ვარჯიშებზე საკმარისს ვერ აკეთებდა. ერთმანეთს ვურტყამდით, ვიბრძოდით, ყოველ წამსა და ყოველ დღეს გამარჯვება გვსურდა. ასე გრძელდებოდა მრავალი მატჩის განმავლობაში და არასდროს ვნებდებოდით. გუნდში დაუჯერებელი შემართება იყო."
"მინდა, რომ ჩემი ფეხბურთელები ერთმანეთის მოტივაცია იყვნენ, ერთმანეთს ბოლომდე მიაწვნენ და ერთმანეთისგან 100%-ით დახარჯვა მოითხოვონ. მხოლოდ ეს არის ერთადერთი გზა წარმატებისა და გამარჯვებისკენ."
"ჩვენ რაღაც განსაკუთრებული გვქონდა. ახლა განსხვავებული გუნდი გვყავს და განსხვავებული გამოწვევები გველის წინ. ისინი სხვა არიან და ზუსტად ჩვენნაირები ვერ იქნებიან. ეს უნდა დაიმახსოვროთ."
"ჩვენ ძალიან კარგი გუნდის წინააღმდეგ გვიწევს თამაში, მაგრამ ჩემს ფეხბურთელებში რაღაც განსაკუთრებული არსებობს. გპირდებით, რომ ფანტასტიკური საღამო გექნებათ."