"მანჩესტერ იუნაიტედის" ბანაკში სასიხარულო ამბავია. "ბარსელონასთან" შეხვედრაში "წითელ ეშმაკებს" მარკუს რეშფორდი დაეხმარება.

ინგლისელმა ტალანტმა ტრავმის გამო "ვულვერჰემპტონთან" შეხვედრა გამოტოვა. უდიდესი ალბათობით, ჩემპიონთა ლიგის 1/4 ფინალისთვის ანდერ ერერაც მზად იქნება.

რაც შეეხება დანაკლისს, "მანჩესტერ იუნაიტედს" შემდეგი ფეხბურთელები: ალექსის სანჩესი, ანტონიო ვალენსია, მატეო დარმიანი და ერიკ ბაიი ვერ დაეხმარებიან.

"ვულვზთან" მატჩის წინ სოლსკიაერმა დაადასტურა, რომ მარკუს რეშფორდმა კოჭის ტრავმა მიიღო და სწორედ ამიტომ გამოტოვა მატჩი.

ბოლო რამდენიმე კვირის განმავლობაში ფორვარდმა უკვე მეორედ მიიღო კოჭის ტრავმა. პირველად ის "ლივერპულის" წინააღმდეგ დაშავდა, ერთი თვის შემდეგ კი სანაკრებო შესვენებაზე ვერ გავიდა იგივე პრობლემის გამო.