ფოსუ-მენსას შესანიშნავი მიღწევა.
"მანჩესტერ იუნაიტედის" ფეხბურთელი ტიმოთი ფოსუ-მენსა, რომელიც არენდის წესით "ფულემის" ღირსებას იცავს, საოცარი მიღწევით იჩენს თავს.
21 წლის ჰოლანდიელმა მარჯვენა მცველმა, რომელსაც ასევე შეუძლია ცენტრალური მცველის პოზიციაზე თამაში და მათ შორის ნახევარმცველის რანგის მორგება, გასაოცარი შედეგი დააფიქსირა. როგორც გავლენიანი საინფორმაციო წყარო იუწყება, იგი ამჟამინდელი მდგომარეობით პრემიერ ლიგის მიმდინარე სეზონის ყველაზე სწრაფი ფეხბურთელია.
მე-2 ადგილს "ვულვზის" ფეხბურთელი
რუბენ ვინაგრე იკავებს, მე-3 ადგილს "მანჩესტერ სიტის" გერმანელი შემტევი ნახევარმცველი
ლეროი სანე. შემდეგ პოზიციებს კი
დეანდრე იედინი ("ნიუკასლი") და "ვესტ ჰემის" ნახევარმცველი
ფილიპე ანდერსონი ინაწილებენ.
აღსანიშნავია, რომ ხუთეულს მიღმა დარჩა "ლივერპულის" ფეხბურთელი მოჰამედ სალაჰი, "ევერტონის" ღირსების დამცველი დომინიკ კალვერტ-ლევინი, "ჰადერსფილდელი" ისააკ მბენზა და სისწრაფით გამორჩეული რაჰიმ სტერლინგი.
კლუბის მთავარ მწვრთნელს სკოტ პარკერს 21 წლის ჰოლანდიელის მიმართ დიდი სიმპატიები გააჩნია, ამიტომ გამორიცხული არ არის ზაფხულის სატრანსფერო ფანჯარაზე მის ოფიციალურად გადმობირებას შეეცადოს.
აქვე გეტყვით, რომ ტიმოთი ფოსუ-მენსამ "ფულემის" მაისურით მხოლოდ 11 შეხვედრა ჩაატარა და სამწუხაროდ, ტრავმების შედეგად, ძალიან ბევრი მატჩის გამოტოვება მოუწია.
წყარო:
thesun.co.uk