"მანჩესტერ იუნაიტედის" კაპიტნის სამკლაურს ამ დრომდე, კლუბის ეკვადორელი მარჯვენა მცველი ანტონიო ვალენსია ოფიციალურად ატარებს.

ფეხბურთელს ტრავმის გამო, არცთუ ისე ცოტა მატჩი გაუცდა რის შემდეგაც, გულშემატკივარმა ამ სამკლაურით კლუბის რამოდენიმე ფეხბურთელი იხილა, საბოლოო ჯამში, ვალენსიას შემცვლელი ეშლი იანგი გახდა.

გამომდინარე იქიდან, რომ კლუბს ეკვადორელის გაყიდვა თითქმის უკვე გადაწყვეტილი აქვს, ზაფხულში "იუნაიტედს" ახალი კაპიტანი ეყოლება.

საინტერესო ინფორმაციას ავრცელებს პრესა, რომლის თანახმადაც, ვიქტორ ლინდელოფი შესაძლოა გუნდის ახალი რჩეული გახდეს და სამკლაურიც მას გადაეცეს. აღნიშნული ინფორმაციის წყარო Manchester Evening Standard-ია.

საინტერესოა რატომ ლინდელოფი? პასუხი მარტივია, დე ხეას, პოლ პოგბას და ანდერ ერერას მომავალი "ოლდ ტრაფორდზე", ამ დრომდე ბურუსით მოცულია, სწორედ ზემოჩამოთვლილი ფეხბურთელებიდან უნდა შერჩეულიყო გუნდის მომავალი ლიდერი, თუმცა ოლე გუნარ სოლსკიაერი ამ ეტაპზე, ვიქტორ ლინდელოფს ანიჭებს უპირასეტობას.

როგორ ფიქრობთ ვის უნდა გადაეცეს კაპიტნის სამკლაური?

პოგბა

დე ხეა

ერერა

ლინდელოფი

ხმის მიცემა შედეგები