ჩემპიონთა ლიგის მეოთხედფინალური ეტაპი სტარტს 9 აპრილს აიღებს. ერნესტო ვალვერდეს "ბარსელონა" თავის შეხვედრას 10-ში გამართავს და "ოლდ ტრაფორდზე" "მანჩესტერ იუნაიტედს" შეერკინება.
"ბლაუგრანას" ერთ-ერთი ლიდერი, ივან რაკიტიჩი, დარწმუნებულია, რომ მის გუნდს იოლი გასეირნება არ ელის და მიაჩნია, რომ ოლე გუნარ სოლსკიაერს საკმაოდ ძლიერი კოლექტივი ჰყავს.
"ინგლისური კლუბები მიმდინარე სეზონში შესანიშნავად გამოიყურებიან. ყველამ ვნახეთ, ჩემპიონთა ლიგის ბოლო შეხვედრაში "იუნაიტედმა" რაც გააკეთა. მათ შესანიშნავი ქამბექი შემოგვთავაზეს და პსჟ-სთან ჩადენილი გმირობის გამო პატივისცემას ნამდვილად იმსახურებენ".
"ფეხბურთში წარმატების მისაღწევად საჭიროა, საკუთარი გუნდის შესაძლებლობების შესახებ ყველაფერი იცოდე. "იუნაიტედს" ახალ მთავარ მწვრთნელს კი ეს მშვენივრად მოეხსენება".
"დღესდღეობით "ბარსელონას" სტილში ბევრი გუნდი თამაშობს და ბურთის კონტროლზეა ორიენტირებული, თუმცა ბურთის ფლობა არაფერს ნიშნავს, თუ გამარჯვების მოპოვებას ვერ ახერხებ. ასე რომ თუ საჭიროა, მეორე ნომრადაც უნდა იასპარეზო და საკუთარ შანსს კონტრშეტევებზე დაელოდო".
ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.