"იუნაიტედი" ზაფხულის სატრანსფერო ფანჯარაზე გუნდის გაძლიერებას გეგმავს.
"იუნაიტედი" ზაფხულის სატრანსფერო ფანჯარაზე გუნდის გაძლიერებას გეგმავს. "ეშმაკების" მთავარმა მწვრთნელმა ოლე გუნარ სოლსკიაერმა უკვე დაისახა გეგმები, სასურველი ფეხბურთელების შესაძენად.
აქტიურად განიხილავენ მარჯვენა მცველის პოზიციას, სადაც კლუბში ორი ალტერნატივაა: ინგლისელი ეშლი იანგი და პორტუგალიელი ახალწვეული დიეგო დალო.
კლუბის თავკაცი ორივე მათგანს ეჭვის თვალით უყურებს, რადგან 33 წლის ეშლი არასასურველ ფორმაშია. რაც შეეხება დალოს, მარჯვენა მცველის ადგილი მისთვის იდეალური სათამაშო პოზიცია სულაც არ არის. მართალია, 20 წლის ახალწვეულმა ასე თუ ისე გაართვა თავი, თუმცა ფაქტია, სოლსკიაერი მთელი სეზონის გატარებას მის იმედზე ყოფნით არ აპირებს.
ერთ-ერთ ვარიანტად ნორვეგიელი თავკაცი პსჟ-ს ფეხბურთელს ტომას მუნიეს განიხილავს, რომელსაც ფრანგულ კლუბთან კონტრაქტი 2020 წლამდე აკავშირებს. იგი გამოირჩევა კრეატიულობითა და შეტევაში აქტიური თამაშით. მუნიეს მართლაც შთამბეჭდავი სეზონი აქვს, რის გამოც მის შესაძენად "ვალენსია", "სევილია" და "ნაპოლი" იბრძვიან.
27 წლის ბელგიელი პარიზელებს "ბრიუგედან" შეუერთდა. მან მიმდინარე სეზონში პსჟ-ს მაისურით 28 მატჩი ჩაატარა, გააკეთა 7 საგოლე გადაცემა და 5-ჯერ დალაშქრა მოწინააღმდეგის კარი.
შეგახსენებთ, რომ შემდეგ შეხვედრას "მანჩესტერ იუნაიტედი" კატალონიის "ბარსელონას" წინააღმდეგ გამართავს. ჩემპიონთა ლიგის 1/4 ფინალური შეხვედრა 10 აპრილს, თბილისის დროით 23:00 საათზე გაიმართება.
წყარო:
thesun.co.uk