ანდერ ერერა დიდი ალბათობით "პსჟს" უფასოდ შეუერთდება რამდენიმე თვეში, ამიტომ ინგლისელებმა ალტერნატივის ძებნა დაიწყეს. "იუნაიტედის" ბოსების სამიზნე 22 წლის ტანგუი ნდომბელეა. მისი ღირებულება €69 მილიონია, "ლიონის" პრეზიდენტზე, მაიკლ აულასზე კი ამბობენ რომ მზადაა შეთავაზებები განიხილოს.
"ეშმაკებს" ბრძოლა პარიზულ გრანდთან მოუწევს, რადგან ნასერ ერ ხელაიფის ასევე სურს ახალგაზრდა ფლეიმეიქერის ხილვა საკუთარ კლუბში. გარდა ამ ორი კლუბისა, ფეხბურთელისთვის მებრძოლთა სია საკმაოდ გრძელია - მადრიდის "რეალი", "სიტი" და ლონდონის "არსენალი".
თუ ერერას გზას ალექსის სანჩესი და ხუან მატაც გაუყვებიან, ნდომბელესთვის დიდი ადგილი დარჩება. ასევე უცნობია კლუბის კაპიტანის - ანტონიო ვალენსიას, მატეო დარმიანის და მარკოს როხოს მომავალიც. როგორც ფრანგული La Equipe იუწყება, მანჩესტერელებს უკვე ჰქონდათ კონტაქტი ფრანგულ მხარესთან