მაიკ ფელანი "იუნაიტედის" სამწრთვნელო შტაბში 18 დეკემბერს ოლე გუნარ სოლსკიაერთან ერთად გამოჩნდა. ნორვეგიელი და ხელმძღვანელობაც ძალიან კმაყოფილი იყვნენ მისი მუშაობით და ოლე გუნართან ერთად "ოლდ ტრაფორდზე" მის დარჩენას იმედოვნებდნენ.
თუმცა ფელანის მომავალი "იუნაიტედში" საეჭვოა. როგორც პრესა იტყობინება, მაიკ ფელანის ასისტენტის პოზიციაზე დარჩენა პრობლემური გახდა და ხელმძღვანელობა ჩიხში შევიდა.
თავად ფელანს კლუბის სისტემასა და შიდა ხელმძღვანელობასთან პრობლემები აქვს და ჯერ სწორედ ამიტომაც ვერ გადაწყდა მისი მომავლის საკითხი "იუნაიტედში". ასე რომ, როგორც "The Mail" იტყობინება სანამ ფელანი გრძელვადიან კონტრაქტს მოაწერს ხელს, სურს, რომ ყველა დეტალი მოგვარებული იყოს.
ფელანი ჯერ კიდევ "მარინერსის" სპორტული დირექტორია და სანაკრებო შესვენებისას უკვე აღნიშნა, რომ მომავალთან დაკავშირებით გადაწყვეტილების მიღებას არ ჩქარობს.