დუეტი 23-წლამდელებში ითამაშებს.
მარკოს როხო და ანდრეას პერეირა "მანჩესტერ იუნაიტედის" 23-წლამდელების შემადგენლობაში ითამაშებენ. ისინი პრემიერ ლიგის მატჩს გამართავენ "ვესტ ბრომვიჩის" წინააღმდეგ.
ოლე გუნარ სოლსკიაერმა გადაწყვიტა, რომ დუეტმა საკუთარი თავი ჯერ იქ გამოსცადონ, რათა ნახონ რამდენად არიან მზად სრული დატვირთვისთვის.
როხო იმ ფეხბურთელთაგან ერთ-ერთია, რომლის მომავალიც "იუნაიტედში" საეჭვოა. თუმცა შესაძლოა, ის "ვესტ ჰემთან" იხილოთ, რადგან ამ მატჩში ძირითად შემადგენლობას ეშლი იანგი და ლუკ შოუ დააკლდება.
არგენტინელმა ამ სეზონში მხოლოდ ხუთი მატჩი ჩაატარა. შეგახსენებთ, რომ მას მთელი სეზონი ტრავმები აწუხებდა.
რაც შეეხება პერეირას, მან ოლე გუნარის მოსვლის შემდეგ "იუნაიტედის" მაისურით შვიდი მატჩი ჩაატარა და "საუთჰემპტონის" წინააღმდეგ პირველი გოლიც გაიტანა.
23 წლის ფეხბურთელმა ტრავმა პსჟ-სთან მატჩში მიიღო და მას შემდეგ შემადგენლობაში არ გამოჩენილა. თუმცა, სავარაუდოდ, ის "ბარსელონასთან" დასაბრუნებლად მზად იქნება.
ამ მატჩში ითამაშებენ ტაჰიტ ჩონგიცა და მეისონ გრინვუდიც. გარდა ამისა, "ოლდ ტრაფორდზე" შეიძლება იხილოთ ჯეიმს გარნერი და ანხელ გომესიც.
წყარო:
M.E.N.