რომელუ ლუკაკუ "იუნაიტედს" 2017 წელს "ევერტონიდან" შეუერთდა. 90 მატჩში მან 42 გოლი გაიტანა. კონტრაქტის მიხედვით, ლუკაკუს "ოლდ ტრაფორდზე" სამ წელზე მეტი რჩება. მისი აგენტის განცხადებით, ბელგიელის მთავარ პრიორიტეტად მოედანზე რაც შეიძლება მეტი დროის გატარება რჩება. "ამ მომენტში მას მხოლოდ სეზონის დასრულება აინტერესებს. მისთვის მესამე და მეოთხე ადგილი ძალიან მნიშვნელოვანია და მთელი არსებით ამაშია ჩართული. ვნახოთ, რა მოხდება სეზონის ბოლოს."
"მან უკვე მეორე სეზონი გაატარა აქ და "ოლდ ტრაფორდთან" კიდევ სამი წელი აკავშირებს. ვნახოთ, რა მოხდება. ის ისეთი პიროვნება, რომელსაც განსხვავებული კულტურა და განსხვავებული ფეხბურთის თამაში უყვარს."
"მას მოსწონს, როცა სხვადასხვა ქვეყანაში თამაშობს, რადგან ტიტულების მოგება და საკუთარი თავისთვის რაღაცების დამტკიცება სურს. უნდა, რომ ბავშვებს უთხრას: "აქ მოვიგე, იქ მოვიგე..." "მე ძალიან კარგი ფეხბურთელი ვიყავი ყველა ჩემპიონატში". ასე რომ ვნახოთ რა მოხდება. ამ მომენტისთვის არაფერს განვიხილავთ, რადგან კლუბში მნიშვნელოვანი მომენტები აქვს."
"მას იტალია მოსწონს. ბავშვობაში ყოველთვის იტალიურ ლიგას ადევნებდა თვალს. ყველამ იცის, რომ დღეს პრემიერ ლიგა საუკეთესო ჩემპიონატია, მაგრამ წლების წინ იტალია იყო საუკეთესო და ახალგაზრდა ფეხბურთელები იქ თამაშზე ოცნებობდნენ."
"რეალ მადრიდისა" და "ბარსელონაში" თამაში ყველა ფეხბურთელისთვის მიმზიდველია. ბუნდესლიგაც ძალიან კარგი ჩემპიონატია."
"თუმცა ის ბედნიერია, რადგან ოლე ახლა სათამაშო დროს აძლევს და დიდ ყურადღებას უთმობს," - აცხადებს ლუკაკუს აგენტი.