ჰანს იოაკიმმა სანჩოს მომავალზე ისაუბრა. მისი განცხადებით, ინგლისელი ამ ზაფხულში კლუბის დატოვებას არ აპირებს.
"მანჩესტერ იუნაიტედს" თინეიჯერის შეძენა ძვირი დაუჯდება, მაგრამ როგორც სხვადასხვა წყარო იტყობინება ისინი ჯეიდონის შეძენისთვის ძალებსა და თანხებს არ დაიშურებენ.
თუმცა იოაკიმმა გერმანელ ჟურნალისტებს დაუდასტურა, რომ ისინი მის გაყიდვას არ აპირებენ:
"ჩვენ მას არ ვყიდით, ეს ფაქტია. ყველასთან კარგად გვაქვს ეს დეტალები განხილული, აბსოლუტურად ყველასთან, ვინც ჯეიდონის მომავლის გადაწყვეტაში რაიმე გადაწყვეტილებას იღებს და ჩვენ უბრალოდ ვიცით, რომ ის არ იყიდება და შემდეგ სეზონში "დორტმუნდში" რჩება."
19 წლის ფეხბურთელის ანგარიშზე 13 ასისტია, მან შთაბეჭდილება ნაკრებშიც მოახდინა. "დორტმუნდში" გაოცებულნი არიან მისი პროგრესით, თუმცა ითხოვენ, რომ არასდროს მოდუნდნენ:
"მისი პროგრესი უბრალოდ ბრწყინვალეა. მისი ასაკისთვის ის დაუჯერებელ რაღაცებს აკეთებს. მაგრამ ძალიან ფრთხილად უნდა ვიყოთ. ის მხოლოდ ახლა გახდა 19 წლის."
"არ უნდა მივცეთ უფლება, რომ ერთი წამითაც მოადუნოს ყურადღება, რადგან ეს ძალიან მნიშვნელოვანია."