შემდეგი ხუთი დღის განმავლობაში უამრავი რამ უნდა გადაწყდეს. პირველ რიგში, ოლე გუნარი ნახავს, თუ ვინ იქნება ხელმისაწვდომი ესპანელების დასახვედრად.
მარკუს რეშფორდმა და ანდერ ერერამ "წითლების" ბოლო მატჩი გამოტოვეს. მათ სწორედ ტრავმების გამო ვერ შეძლეს "ვულზვთან" თამაშის ჩატარება.
რეშფორდმა მატჩი კოჭის ტრავმის გამო გამოტოვა, ოლე გუნარმა აღნიშნა, რომ ეს ძველი კი არა ახალი ტრავმაა და ახლა მეორე ფეხი აქვს დაზიანებული. ნორვეგიელი იმედოვნებს, რომ "ბარსელონასთვის" ინგლისელი მზად იქნება.
რაც შეეხება ერერას, მან მუხლის ტრავმა "ვულზვთან" მატჩში მიიღო და ჯერ კიდევ საკითხავია შეხვდება თუ არა ის ლა ლიგის ჩემპიონებს.
კიდევ ოთხი ფეხბურთელი, რომლებმაც "ვულზვთან" ვერ ითამაშეს მათეო დარმიანი, ანტონიო ვალენსია, ერიკ ბაიი და "ბარსელონას" ყოფილი ფეხბურთელი ალექსის სანჩესი გახლავთ.
დარმიანსა და ვალენსიას "წითლებში" მატჩი იანვრის შემდეგ არ ჩაუტარებიათ. გარდა ამისა, "იუნაიტედის" ბოლო ორი თამაში გამოტოვა ერიკ ბაიიმაც, რომელმაც ტრავმა სანაკრებო შესვენებისას მიიღო.
რაც შეეხება ალექსისს, ჩილელი წესით აპრილის შუა რიცხვებში უნდა დაბრუნდეს. მას მატჩი მარტის დასაწყისის შემდეგ აღარ ჩაუტარებია.
თუმცა "ბარსელონასთვის" მზად იქნებიან ლუკ შოუ და ეშლი იანგიც. მათი დისკვალიფიკაცია მხოლოდ პრემიერ ლიგის შემდეგ მატჩზე ვრცელდება.
გუნდის დამატებით სიახლეებზე ოლე გუნარი სამშაბათ შუადღეს ისაუბრებს.
ახალი ამბები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.