"მანჩსტერ იუნაიტედს" ფერდინანდისა და ვიდიჩის წასვლის შემდეგ დაცვაში დიდი პრობლემები აქვს. ხელმძღვანელობა და მწრთვნელები მუდმივად ცდილობენ ამ პრობლემების მოგვარებას, თუმცა - უშედეგოდ. დაცვის ხაზი ისევ უამრავ შეცდომას უშვებს, რაც ხშირად თამაშის ანგარიშზეც აისახება.
ბოლო დროს "იუნაიტედი" "ბარსელონას" 25 წლის მცველით, სამუელ უმტიტით, ინტერესდებოდა. მისი მომავალი ესპანელების მხრიდან კითხვის ნიშნის ქვეშ იდგა და "წითლები" მზად იყვნენ მის შესაძენად.
მსოფლიო ჩემპიონის შეძენას "იუნაიტედი" ჯერ კიდევ ზამთრის ტრანსფერებზე სურდა, მაგრამ როგორც სამუელმა განაცხადა, მას "კამპ ნოუს" დატოვების არანაირი სურვილი არ გააჩნია. თუმცა "ბარსელონა" "აიაქსის" 19 წლის მცველს დე ლიგტის შეძენით ინტერესდებოდა.
ფრანგის უარის მიუხედავად, "იუნაიტედი" მის დამატებას მაინც შეეცდება.