ოლე გუნარ სოლსკიაერმა "ბარსელონასთვის" მოსამზადებელი კვირა უკვე დაგეგმა. შეგახსენებთ, რომ შემდეგ ოთხშაბათს "ოლდ ტრაფორდი" ესპანელებს უმასპინძლებს.
რადგანაც "წითლები" ინგლისის თასიდან გამოვარდნენ, ამ შაბათ-კვირას თამაში არ უწევთ და პირდაპირ ჩემპიონთა ლიგისთვის მოემზადებიან.
"ჩვენ ძალიან, ძალიან ბევრი რამე გვაქვს გასაუმჯობესებელი და, რა თქმა უნდა, ამაზე ვიმუშავებთ. "ბარსელონა" უმაღლესი კლასისი გუნდია და შესაბამისი ძალებით უნდა დავუპირისპირდეთ. ერთ ან ორ დღეს ამ მატჩის გაანალიზებას და გამოჯანმრთელებას დავუთმობთ და შემდგომ მთელი ძალებით მოვემზადებით ესპანელების დასახვედრად. ეს ფანტასტიკური გამოწვევა იქნება ჩვენი კლუბისა და შემადგენლობისთვის."
ოლე გუნარის მოსვლის შემდეგ "იუნაიტედი" მესამედ დამარცხდა. მათ ერთი დამარცხება ინგლისის თასზე, ხოლო ორი პრემიერ ლიგაში იგემეს.
"შედეგებს ვერ გააკონტროლებს. შეგიძლია გააკონტროლო, თუ რას იზამ მოედანზე, როგორ წარდგები მეტოქის წინაშე, რა ძალებს გამოიყენებ და როგორ ითამაშებ. ჩვენ ძალიან ბევრი შანსები შევქმენით და თანაც საკმარისზე მეტი მატჩის მოსაგებად."
"ასე რომ არ ვფიქრობ, რომ ყველაფერი სამართლიანად გადაწყდა. უბრალოდ მოხარული ვარ იმ შანსებით, რაც შევქმენით და იმ განზრახვით, რითაც მატჩი დავიწყეთ. ფეხბურთელებს თამაშს ვერ აუკრძალავ, ვერ შეაჩერებ... თუ შეცდომა უნდა მოხდეს, მოხდება, ესეა, ეს ფეხბურთია."