სკოტ მაკტომინეიმ აღიარა, რომ ძალიან გაუხარდა პირველი გოლის გატანა "იუნაიტედის" მაისურით. ის მეხუთე აკადემიელია, რომელმაც მიმდინარე სეზონში "იუნაიტედის" მაისურით გოლი გაიტანა.
"ძალიან მნიშვნელოვანი მომენტია, როცა "იუნაიტედის" მაისურით პირველი გოლი გაგაქვს და გუნდში შენი პირადი ისტორიის წერას იწყებ."
"უყურებ ისეთ ფეხბურთელებს როგორებიც არიან პოლ სქოულზი და მაიკლ ქერიკი და ცდილობ, რომ მათნაირი იყო. დღეს უბრალოდ არ გაგვიმართლა, ეს ღამე ძალიან რთული იყო."
"უცნაური საღამო იყო. ვისხედით გასახდელში და ვფიქრობდით: როგორ წავაგეთ? გოლებმა ყველაფერი შეცვალა, ჩვენ დღეს უბრალოდ არ გაგვიმართლა."
"პირველი ნახევარი ძალიან, ძალიან კარგად ვითამაშეთ და ცუდი ის არის, რომ მათ გოლებზე არანაირი რეაქცია არ გამოგვივლენია, როგორც ამას წარსულში ვაკეთებდით ხოლმე. თავიდან კარგად დავიწყეთ, ყველაფერს იდეალურად ვაკეთებდით, ბევრი მომენტები და შანსები შევქმენით, თუმცა ყველაფერი უეცრად შეიცვალა."
"ვფიქრობ, რომ ყველაფერი ძალიან კარგად გავაკეთეთ, მაგრამ 10 კაცით მატჩის შემოტრიალება არასდროსაა მარტივი."
"პირველი 25 წუთის განმავლობაში ამ წნეხის ქვეშ გვიწევდა თამაში. ვფიქრობ, რომ დღეს ყველაფერი ძალიან კარგად დავიწყეთ, თუმცა არ გაგვიმართლა."