რას ფიქრობს ოლე გუნარი ახალი პოზიციის შემოღებაზე.
"მანჩესტერ იუნაიტედი" სეზონის ბოლოს ტექნიკურ დირექტორს პირველად დანიშნავს.
ზუსტად როდის განაცხადებს ხელმძღვანელობა ამის შესახებ, ეს უცნობია, მაგრამ "იუნაიტედს" სურს, რომ 2019/20 წლების სეზონის დასაწყისში ხელმძღვანელობას ახალი წევრი შეემატოს.
ტექნიკური დირექტორის მოვალეობა ძირითადი შემადგენლობის გაძლიერებაზე ზრუნვა და სამწრთვნელო შტაბის დახმარება იქნება. გარდა ამისა, პირი, რომელიც ამ პოზიციას დაიკავებს, ვალდებული იქნება, რომ აკადემიის განვითარების გრძელვადიანი გეგმა დასახოს.
ძველი მწრთვნელი, ჟოზე მოურინიო, ამ პოზიციის შემოღების წინააღმდეგი იყო, თუმცა დეკემბერში მან კლუბი დატობა და სიტუაცია მკვეთრად შეიცვალა.
სოლსკიაერმა, რომელიც თანამდებობაზე რამდენიმე დღის წინ დაინიშნა, აღიარა, რომ მან ეს საკითხი ედ ვუდვორდთან ერთად გაიარა და მოხარული იქნება ტექნიკურ დირექტორთან ერთად მუშაობით.
ამასთანავე "იუნაიტედი" სამწრთვნელო შტაბის წევრების, მაიკ ფელანის, მაიკლ ქერიკისა და კიერანისთვის ახალი კონტრაქტების შემუშავებაზეა კონცენტრირებული. როგორც "SkySports" იტყობინება, ისინი ახალ შეთავაზებას მალევე მიიღებენ.
წყარო:
SkySports