ჯესი ლინგარდის განცხადებით, აუცილებელია, რომ "მანჩესტერ იუნაიტედმა" სასწორი პირველივე წუთებზე თავისკენ გადახაროს. ოლე გუნარ სოლსკიაერის შეგირდები "ვულზვთან" მიღებული წინა შედეგის შემოტრიალებას აპირებენ. დღევანდელი გამარჯვება "იუნაიტედისთვის" ოთხეულში ადგილის გამყარებისკენ გადადგმული დიდი ნაბიჯი იქნება.

"ყველაფერი იმაზე იქნება დამოკიდებული, თუ როგორ დავიწყებთ მატჩს. აუცილებელია, რომ სასწორი დასაწყისშივე ჩვენკენ გადმოიხაროს. ყველამ თავიდანვე შემართებით უნდა დაიწყოს და შემდგომ იხილავთ ჩვენს შესაძლებლობებს."

"ოლე ყოველთვის ცდილობს, რომ ენერგია შეგვმატოს და მეტი ვნებით გვათამაშოს. თუ ბიჭები ამას დღეს საღამოს შეძლებენ, დარწმუნებული ვარ, რომ მატჩის მოგებას შევძლებთ."

"შაბათს უკვე მოვიპოვეთ სამი ქულა "უოტფორდის" წინააღმდეგ, ახლა მთელი კონცენტრაცია "ვულვზისკენ" არის მიმართული. ისინი ინგლისის თასზე დიდი წნეხის ქვეშ არ მოგვიქცევია, მაგრამ დღეს ეს უნდა შევძლოთ."

"უოტფორდთან" ნამდვილად არ დაგვიწყია ისე, როგორც გვსურდა, ან როგორც უნდა დაგვეწყო. წინ მეტი უნდა ვითამაშოთ, მეტი ენერგიითა და სისწრაფით. მათ ჩვენს ნახევარზე გადმოსვლის საშუალება არ უნდა მივცეთ."

"რაც შეეხება ჩემს ჯანმრთელობას, მე უკვე სრული დატვირთვით ვვარჯიშობ. სანაკრებო შესვენება ძალების მოკრებასა და ბარძაყის გაძლიერებაში დამეხმარა. ასე რომ მზად ვარ გუნდს ყველა დარჩენილ მატჩში დავეხმარო."

"უოტფორდთან" თამაში გარისკვა იქნებოდა. ახლა კი მზად ვარ."

წყარო: ManUtd.com