ოლე გუნარ სოლსკიაერმა დაადასტურა, რომ ვიქტორ ლინდელოფი გამოჯანმრთელა და შესაძლოა, რომ ის "ვულვზის" წინააღმდეგაც ვიხილოთ. შეგახსენებთ, რომ საეჭვო იყო ენტონის ყოფნაც, რადგან ფრანგმა ტრავმა მიიღო გასულ მატჩში, თუმცა ნორვეგიელის განცხადებით, ფორვარდი კარგად გრძნობს თავს.
"ენტონი მშვენივრადაა, ის კარგად იქნება მატჩისთვის. ვიქტორმა რამდენიმე დღე უკვე ივარჯიშა, ასე რომ "ვულვზისთვის" მზად იქნება. რაც შეეხება მათეო დარმიანსა და ერიკ ბაიის, ისინი ჯერ კიდევ მოედნის მიღმა რჩებიან. ტრავმირებულები არიან ანტონიო ვალენსიაც და ალექსის სანჩესიც. მაგრამ დანარჩენი ყველა კარგად გრძნობს თავს და არც მიმაჩნია, რომ სუსტად ვართ."
სოლსკიაერმა ასევე რომელუ ლუკაკუს შესახებ ისაუბრა:
"ენტონი და რომელუ ორივე მზად იქნებიან ხვალისთვის, ეს დადასტურებულია. ისინი ძალიან კარგად გამოიყურებიან, ასე რომ ამაზე არ იღელვოთ."
შეგახსენებთ, რომ ტრავმის გამო ბაიიმ "უოტფორდთნა" მატჩი ვერ ჩაატარა. მან სანაკრებო შესვენების დროს თავის ტრავმა მიიღო. ვალენსია და დარმიანი კი გუნდს იანვრის შემდეგ არ დახმარებიან.
რაც შეეხება ალექსის სანჩესს, ჩილელმა ტრავმა "საუთჰემპტონთან" გამართულ მატჩში მიიღო და 2 მარტის შემდეგ დაბრუნებას ცდილობს.