ოლე გუნარის განცხადებით, "მანჩესტერ იუნაიტედის" გასახდელი შაბათ საღამოს პანაშვიდს ჰგავდა.
"იუნაიტედმა" მეტოქე ერთი ბურთის სხვაობით დაამარცხა და სამი ქულაც მოიპოვა. თუმცა მიუხედავად სამი ქულისა, "იუნაიტედის" თამაშის ხარისხი არც ისე კარგი იყო. "გასახდელში დატრიალებული გარემო პანაშვიდს ჰგავდა. ყველა იჯდა, სიჩუმე იყო გამეფებული, არავინ საუბრობდა, ყველა იმედგაცრუებული იყო იმ თამაშით, რაც მთელი მატჩის განმავლობაში ვაჩვენეთ."
"ჩვენ ბედნიერებას ვერ ვგრძნობთ მხოლოდ სამი ქულის მოპოვებისთვის. ყველამ იცის, რომ ეს საშინელი თამაში იყო და ეს ძალიან კარგია, რადგან ყოველთვის მინდა, რომ ფეხბურთელები საკუთარ თავთან გულწრფელები იყვნენ. ყველამ ვიცით, რომ გაცილებით უკეთ შეგვიძლია თამაში."
"თუმცა ფეხბურთელებს ტრავმები აწუხებდათ. ძალიან მალე გამოვჯანმრთელდებით და ახალი ძალებით დაგიბრუნდებით."
"ჩვენ რაც შეიძლება მაღალ პოზიციაზე გვსურს დასრულება. საშობაო პერიოდის შემდეგ ჩვენ ყველაზე მეტი ქულა ავიღეთ. გუნდების უმეტესობას უკვე ვეთამაშეთ, თუმცა რეალური შეფასების გაკეთება მხოლოდ სეზონის ბოლოს შეგვეძლება, მხოლოდ მაშინ, როცა ყველა კლუბთან გამოვცდით ჩვენს შესაძლებლობებს," - განაცხადა ოლე გუნარმა.