"კრისტალ პალასის" კოტ'დივუარელი ვინგერი ვილფრიდ ზაჰა, შესაძლოა ყოფილ კლუბს დაუბრუნდეს. მის მიმართ ინტერესს "მანჩესტერ იუნაიტედი" გამოხატავს. ინფორმაციას Manchestereveningnews - ავრცელებს.
აღსანიშნავია ის ფაქტი, რომ ტრანსფერის ინიციატორი, "წითელი ეშმაკების" ნორვეგიელი მენეჯერი ოლე გუნარ სოლსკიაერია, რომელიც ფეხბურთელთან ერთად აქამდე "კარდიფში" მუშაობდა.
შეგახსენებთ, რომ ვილფრიდ ზაჰა იყო, სერ ალექს ფერგიუსონის უკანასკნელი შენაძენი "მანჩესტერ იუნაიტედის" შემადგენლობაში 2013 წელს. ფეხბურთელი ლეგენდარულმა სპეციალისტმა "კრისტალ პალასის" აკადემიიდან "წითლების" აკადემიაში გადაიყვანა.
მიმდინარე სეზონში, ზაჰამ ინგლისის ჩემპიონატში 27 შეხვედრა ჩაატარა, ხოლო საკუთარ აქტივს 8 გოლი და 7 საგოლე გადაცემა შემატა.