პრემიერ ლიგის 31-ე ტურში, ოთხეულისთვის მებრძოლი, ოლე გუნარ სოლსკიაერის "მანჩესტერ იუნაიტედი" შინ, ხავიერ გრაციას "უოტფორდს" დაუპირისპირდა.

"წითლებმა" შეხვედრაში სამი ქულის მოპოვება, მარკუს რეშფორდისა და ენტონი მარსიალის გოლების წყალობით მოახერხეს.

აღნიშნული შეხვედრა განსაკუთრებული გამოდგა, "მანკუნიანელების" ახალგაზრდა შემტევისთვის მარკუს რეშფორდისთვის, რომელმაც კარიერაში საუკეთესო მაჩვენებელი დააფიქსირა.

კერძოდ, გუშინდელ მატჩში გატანილი გოლი, რეშფორდისთვის, პრემიერ ლიგის მიმდინარე სეზონში რიგით 10-ე აღმოჩნდა. აქამდე "ვარსკვლავბიჭუნას" ინგლისის ჩემპიონატში ამ ოდენობის გოლი გატანილი არ ჰქონია.

შეგახსენებთ, რომ წინა სეზონში მარკუსმა, "ნისლიან ალბიონზე" ჩატარებულ 35 შეხვედრაში თავი 7 გოლით გამოიჩინა.