ლუი ვან გაალმა ცოტა ხნის წინ მიცემულ ინტერვიუში ყოფილ კლუბზე ისაუბრა და განაცხადა, რომ მოურინიოსა და სოლსკიაერის გუნდს შორის ერთადერთი განსხვავება ისაა, რომ ნორვეგიელის გუნდი იმარჯვებს.
"ჩემ შემდეგ მოსულმა მწვრთნელმა შეცვალა სათამაშო სტილი, დააყენა ავტობუსი და კონტრშეტევებზე თამაშობდა. ახლა კი ჰყავთ მწვრთნელი, რომელიც ასევე აყენებს ავტობუსს და კონტრშეტევებზე თამაშობს. სოლსკიაერსა და მოურინიოს შორის ერთადერთი განსხვავება ის არის, რომ სოლსკიაერი მატჩებს იგებს."
ჰოლანდიელის სიტყვებს "მანჩესტერ იუნაიტედის" ლეგენდარული მცველი, გარი ნევილი გამოეხმაურა: "გავიგე, ვან გაალს უთქვამს, რომ სოლსკიაერის ფეხბურთი მოურინიოსას ჰგავს და განსხვავება მხოლოდ ისაა, სოლსკიაერი მატჩებს იგებსო. ვან გაალის ფეხბურთი ყველაზე საშინელი იყო, რაც კი მინახავს და მასთან შედარებით მოურინიო გაცილებით უკეთ ათამაშებდა, თუმცა მიუღებელი იყო იმ კუთხით, რაც გულშემატკივრებს სურდათ."
ინტერვიუები
3 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.