მაურისიო პოჩეტინომ წარმატებები უსურვა ოლე გუნარ სოლსკიაერს, რომელიც "მანჩესტერ იუნაიტედის" მთავარ მწვრთნელად ხუთშაბათს გამოცხადდა.
ჟოზე მოურინიოს გაძევების შემდეგ "იუნაიტედის" სახელს აქტიურად უკავშირებდნენ არგენტინელ სპეციალისტს, მაგრამ სოლსკიაერმა იმდენად ძლიერი შთაბეჭდილება მოახდიან დროებითი მწვრთნელის რანგში მუშაობისას, რომ არჩევანი ნორვეგიელზე შეჩერდა.
თავის მხრივ კი პოჩეტინო აცხადებს, რომ მისი სახელის დაკავშირება იუნაიტედთან", სხვა არაფერი იყო, თუ არა ჭორი.
"არასდროს მისაუბრია ჭორების შესახებ. მე მხოლოდ მინდა, მივულოცო და წარმატება ვუსურვო ახლა უკვე, "მანჩესტერ იუნაიტედის" ახალ ოფიციალურ მთავარ მწვრთნელს.
ჭორებზე არ ვლაპარაკობ და ამ ეტაპზე უფრო მეტი ჭორი ვრცელდება, მაგრამ მე ვერაფერს ვიზამ. ეს კლუბი თუ არა, სხვასთან დაკავშირებით წარმოიშობა ჭორი. მთავარია, რომ ჩვენ ჩვენს საქმეზე ვფიქრობთ", - განაცხადა პოჩეტინომ.