"მანჩესტერ იუნაიტედის" მთავარმა მწვრთნელმა, ოლე გუნარ სოლსკიაერმა ექსკლუზიური ინტერვიუ მისცა კლუბის ოფიციალურ აპლიკაციას, სადაც ფეხბურთელთა მდგომარეობის შესახებ ისაუბრა.

რამდენიმე ფეხბურთელს ტრავმის გამო ნაკრების რიგების დატოვება მოუხდა, მაგრამ მხოლოდ სამი მათგანი ვერ ახერხებს ხვალინდელ თამაშში მონაწილეობის მიღებას.

ალექსის სანჩესი კლუბში დაბრუნდა და გამოჯანმრთელების პროცესს შეუდგა, ხოლო მცველები ანტონიო ვალენსია და მატეო დარმიანი კვლავ უქმობენ.

"ძალიან კარგი ვარჯიშები გავმართეთ ამ კვირაში. ზოგიერთი ფეხბურთელი წასული იყო და დაგვიბრუნდა.

ალექსისი ახლახანს ჩამოვიდა მანჩესტერში და მხოლოდ ის არის ტრავმირებული მატეოსა და ანტონიოსთან ერთად. ეს სამი გვაკლია.

ერთი-ორი მოთამაშის მდგომარეობა კი შესამოწმებელი გვაქვს".